स्कुटरलाई बसले ठक्कर दिंदा एकको मृत्यु

चितवन । पूर्वी चितवनमा स्कुटरलाई बसले ठक्कर दिंदा एकजनाको मृत्यु भएको छ । खैरहनी नगरपालिका वडा नं. ८ पर्सा बजार नजिक शनिबार दिउँसो पूर्वबाट भरतपुरतर्फ आउँदै गरेको बा ३ ख २५६२ मिनिबसले र सोहि दिशाबाट आउँदै गरेको ना ४८ प ३५३५ नम्बरको तिन पाङग्रे स्कुटरलाई ठक्कर दिएको थियो ।

दुर्घटनामा गम्भीर घाइते भएका स्कुटर चालक खैरहनी नगरपालिका वडा नं). ८ निवासी ४३ बर्षिय राम श्रेष्ठको मृत्यु भएको जिल्ला प्रहरी कार्यालय चितवनले जनाएको छ । घाइते श्रेष्ठलाई उपचारको लागि भरतपुर ल्याउने क्रममा बाटोमा नै मृत्यु भएको प्रहरीले जनाएको छ । बस र बसको चालकलाई इलाका प्रहरी कार्यालय खैरहनीले नियन्त्रणमा लिएको छ ।