चितवन बारको अध्यक्षमा रामकृष्ण अधिकारी विजयी, तीन बाहेक सम्पूर्ण पदमा पिएलए विजयी

चितवन । चितवन जिल्ला अदालत बार एशोसियसनको अध्यक्षमा रामकृष्ण आधिकारी विजयी हुनुभएको छ । शुक्रबार भएको २१ औं कार्यसमितिको निर्वाचनमा प्रगतिशिल तथा पेसागत कानुनी व्यवसायी संगठन (पिएलए) प्यानलका तर्फबाट अधिकारी अध्यक्ष निर्वाचित हुनुभएको हो । उपाध्यक्ष सहित तीन पद बाहेक सबै पमा पिएलए विजयी भएको छ ।

अध्यक्षमा पिएलएका रामकृष्ण अधिकारीले १०७ मत प्राप्त गरी निर्वाचित हुनुभएको छ । उहाँका प्रतिद्धन्द्धी डिएलएका डा हरिहर पोखरेलले ८० मत प्राप्त गर्नुभयो । उपाध्यक्षमा भने डिएलएका मुन्ना विक्रम खाती ९७ मतले निर्वाचित हुनुभएको छ । उहाँका प्रतिद्धन्द्धी पिएलएका उपाध्यक्ष रामचन्द्र देवकोटाले ८० मत प्राप्त गर्नुभयो । उपाध्यक्ष, एक महिला सदस्य र एक पार्षद्मा भने डिएलएका तर्फएबाट निर्वाचित हुनु भएको छ ।

सचिवमा विनोद मिश्र ९९ मत, कोषाध्यक्षमा बद्रीनाथ पण्डित ९८ मत , सहसचिवमा शोभा भट्टराईले १०६ मत सहित निर्वाचित हुनुभएको छ । सदस्यहरुमा कुलचन्द्र खनाल १००, जनकराम पौडेल ९८, रामनाथ घिमिरे ९१, कृष्णप्रसाद पन्त ९६, अजयकुमार तामाङ ९६, विकास गुरुङ १०४, सपि मिया ८२ र डिएलकी तृष्णा न्यौपाने १०१ मत सहित निर्वाचित हुनुभएको छ ।

केन्द्रीय पार्षद्मा टेकनाथ अधिकारी १०२ मत, शिवराम महतो ९७, नुनराज सिलवाल ११२, पासाङ लामा १००, वामदेव अधिकारी १०६, जीवनज्योति विश्वकर्मा ९१, नारायण गिरी ८९ र डिएलएका गोमा न्यौपाने भण्डारी ९१ मत प्राप्तगरी निर्वाचित हुनुभयो ।