कारको ठक्करबाट बृद्धाको मृत्यु

चितवन । पूर्वी चितवनको खैरहनीमा कारको ठक्करबाट आज शुक्रबार एक पैदलयात्री बृद्धाको मृत्यु भएको छ । दिउँसो ३ः५० बजेको समयमा खैरहनी नगरपालिका–१, ज्यामिरेस्थित पूर्वपश्चिम राजमार्गमा कारको ठक्करबाट पैदलयात्री खैरहनी नगरपालिका–२ बस्ने ५० वर्षीया बुद्धिमाया दराईको मृत्यु भएको जिल्ला प्रहरी कार्यालय चितवनले जनाएको छ ।

पूर्वबाट पश्चिमतर्फ आउँदै गरेको बा १२ च ३१७७ नम्बरको कारले बाटो काट्दै गरेकी दराईलाई ठक्कर दिएको थियो । गम्भीर घाइते भएकी उनको उपचारको क्रममा अपरान्ह ५ बजे चितवन मेडिकल कलेजमा मृत्यु भएको हो । कार र चालकलाई प्रहरीले नियन्त्रणमा लिएको छ ।