त्रिशूलीमा यात्रु बस खस्यो, पाँचको मृत्यु, २९ घाइते

धादिङ । झापाको काकडभिट्टाबाट काठमाडौँतर्फ जाँदै गरेको यात्रुबस धादिङमा आज बिहान दुर्घटना हुँदा पाँच जनाको मृत्यु भएको छ । चार जनाको घटनास्थलमै र एक जनाको उपचारका लागि लैजाँदै गर्दा बाटोमा मृत्यु भएको जिल्ला ट्राफिक प्रहरी कार्यालय, धादिङका प्रमुख प्रहरी निरीक्षक हेमराज घिमिरेले जानकारी दिनुभएको छ ।

प्रहरी निरीक्षक घिमिरेका अनुसार दुर्घटनामा २९ जना घाइते भएका छन् ।

ना७ख ४३८७ नम्बरको बस गजुरी गाउँपालिका–६ बन्छेटारबाट त्रिशूली नदीमा खसेको हो । घाइतेको उद्धारका लागि नेपाली सेना, जनपथ, सशस्त्र प्रहरी र स्थानीयवासी खटिएका छन् । दुर्घटनाको कारण खुलेको छैन ।

(तस्विर : यो समाचारमा प्रयोग गरिएको तस्विर नागरिक खबर डटकमबाट लिइएको हो ।)