नेपालमा एकै दिन चार हजार ३६४ जनामा संक्रमण, कूल संक्रमित ९८ हजार ६१७ पुग्यो

काठमाडौँ । नेपालमा पछिल्ला दिनहरुमा कोरोना संक्रमण दर बढ्दै गएको छ । पछिल्लो २४ घण्टामा नेपालमा चार हजार ३६४ जना सङ्क्रमित थपिएका हुन् ।

स्वास्थ्य तथा जनसंख्या मन्त्रालयको बिहीबारको आफ्नो नियमित प्रेस ब्रिफिङ्गमा सङ्क्रमितसहित ९८ हजार ६१७ जनामा सङ्क्रमण पुष्टि भएको जनाएको हो । हाल २६ हजार सात जनामा भाइरसको सङ्क्रमण सक्रिय छ । सोही संख्यामा होम र संस्थागत आइसोलेसनमा बसेका छन् । क्वारेन्टिनमा चार हजार १६४ छन् ।

पछिल्लो चौबीस घण्टामा २ हजार ६७५ जना कोरोना सङ्क्रमित निको भएर घर फर्केको बताएको छ । हालसम्म ७१ हजार ३४३ जना सङ्क्रमित निको भएर घर फर्केका छन् । पछिल्लो चौबीस घण्टामा १२ जनाको कोरोना भाइरसका कारणले मृत्यु भएको छ ।