सात वर्षिया बहिनीलाई बलात्कार गरेको आरोपमा दाजु पक्राउ

गैडाकोट । नवलपुरको गैडाकोटमा आफ्नै सात वर्षिया बहिनीलाई बलात्कार गरेको आरोपमा दाजु पक्राउ परेका छन् । घरमा कोही नभएको समयमा ७ बर्षीया बालिका बहिनीलाई १४ वर्षीय दाजुले बलात्कार गरेको जिल्ला प्रहरी कार्यालय नवलपुरले जनाएको छ ।

बालिकाको यौनांगबाट अत्यधिक रक्तश्राव भएर अस्पताल लगेर जाँच पछि चिकित्सकले बलात्कार भएर रक्तश्राव भएको बताएपछि प्रहरीले १४ वर्षीय दाजुलाई नियन्त्रणमा लिएको हो ।

प्रहरीले नियन्त्रणमा लिएर घटनाको अनुसन्धान थालेको र बालिकाको अवस्था मध्यम रहेको गैंडाकोट प्रहरीले जानकारी दिएको छ । बालिकाको भरतपुर अस्पतालमा उपचार भईरहेको छ । दुवै जना नाबालक भएकाले नाम र अन्य परिचय गोप्य राखिएको जनाईएको छ ।