पछिल्लो २४ घण्टामा नेपालमा एक हजार ५५१ जना सङ्क्रमित

काठमाडौं । नेपालमा कोरोना भाइरसका एक हजार ५५१ जना सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा ११ हजार ४७ जनाको आरटीपीसीआर परीक्षण गरिएको छ । स्वास्थ्य तथा जनसंख्या मन्त्रालयले मंगलबारको आफ्नो नियमित प्रेस ब्रिफिङ्को क्रममा थप एक हजार ५५१ जना सङ्क्रमितसहित ९० हजार ८१४ पुग्यो एक हजार ५५१ जनामा सङ्क्रमण पुष्टि भएको जनाएको हो ।

थपिएका सङ्क्रमितसँगै नेपालमा कुल सङ्क्रमित ९० हजार ८१४ पुगेको छ । हाल २२ हजार ७०९ जनामा भाइरसको सङ्क्रमण सक्रिय छ । मन्त्रालयले पछिल्लो चौबीस घण्टामा दुई हजार ३४० जना कोरोना सङ्क्रमित निको भएर घर फर्केका छन् । हालसम्म ६७ हजार ५४२ सङ्क्रमित निको भएर घर फर्केका छन् ।

जुन कुल सङ्क्रमितको करिब ७४.३ प्रतिशत हो । आइसोलेसनमा २२ हजार ७०९ पुगेको छ भने क्वारेन्टिनमा चार हजार २२१ जना रहेका छन् । सङ्क्रमित मध्ये २४३ जना आइसीयू र ४० जनाको भेन्टिलेटरमा उपचार भइरहेको छ ।

यस्तै, पछिल्लो चौबीस घण्टामा नौजनाको मृत्यु भएको छ । कोरोना भाइरसको कारणले मृत्यु हुनेको संख्या ५६३ पुगेको छ ।