प्रधानमन्त्री ओली आकस्मिक चितवनमा

चितवन । प्रधानमन्त्री केपी शर्मा ओली शुक्रबार अकस्मात चितवन आउनुभयो । लुम्बिनीमा शनिबार हुने कार्यक्रमका लागि त्यसतर्फ जाने क्रममा उहाँ चढेको हेलिकप्टर भरतपुर ब्यारेकमा अवतरण भएको हो । चितवनका प्रमुख जिल्ला अधिकारी जितेन्द्र बस्नेतले मौसम खराब भएपछि केही समय भरतपुर ब्यारेकमा रोक्किएर प्रधानमन्त्री हेलिकप्टर मार्फत् लुम्बिनी जानु भएको जानकारी दिनुभयो ।

मौसममा सुधार आएपछि प्रधानमन्त्री ओली गन्तव्यतर्फ लाग्नुभएको हो । प्रधानमन्त्रीसँग उहाँकी धर्मपत्नी राधिका शाक्य, नेपाल कम्युनिष्ट पार्टी (नेकपा) का महासचिव विष्णु पौडेल पनि रहनु भएको थियो ।

सो अवसरमा भरतपुर महानगरपालिका प्रमुख रेनु दाहाल, प्रमुख जिल्ला अधिकारी बस्नेत लगायतले प्रधानमन्त्रीसँग भेटघाट गर्नुभएको थियो । (तस्वीर : भरतपुर महानगरपालिकाका प्रमुख रेनु दाहालको फेसबुकबाट)