सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

चितवन राष्ट्रिय निकुञ्जमा मृत गैंडा भेटियो, तस्करले मारेको आशंका


  •    न्युजभित्तो/२३ भाद्र २०७७, मंगलवार १८:१२ 
  • चितवन । चितवन राष्ट्रिय निकुञ्जमा मृत अवस्थामा रहेको दुर्लभ एकसिंगे गैंडा भेटिएको छ । निकुञ्जको वाँदरझुला आईल्याण्ड क्षेत्रमा दुई दिन अघि शंङ्कास्पद अवस्थामा मृत गैंडा भेटिएको हो ।

    निकुञ्जका प्रमुख संरक्षण अधिकृत अणनाथ बरालका अनुसार अन्दाजी २५–३० वर्षको गैंडाको टाउकोमा दुईवटा प्वाल र पछाडीको भागमा धारिलो हतियारले काटेको घाउ छ । खाग र खुर सुरक्षित रहे पनि हतियारको प्रयोग गरी गैंडा घाईते बनाईएकाले तस्करले नै मारेका होइन भन्ने अवस्था नरहेको बरालले बताउनुभयो । तस्करले खाग र खुरका लागि गैंडा मार्ने गर्दछन् । गैंडा मारे पनि उनीहरुले खाग खुर लैजान नसकेको हुन सक्ने बताईएको छ ।

    भदौ २१ गते घोलमा गढेर उभिएको तर गलेको अवस्थामा गैंडा भेटिएको थियो । मृत भाले गैंडाको टाउकोमा दुईवटा प्वाल रहेका थिए । करिब एक साता अघि गैंडा मरेको अनुमान गरिएको छ । गैंडा तस्करले मारेको आशंकामा निकुञ्जमा सुरक्षा सतर्कता वढाईएको छ । घटना शंकास्पद भएपछि थप अनुसन्धान अगाडि बढाईएको बरालले न्यूजभित्तोलाई बताउनुभयो ।

    बि.संं २०७३ साल चैत २६ गते भरतपुर महानगरपालिका वडा नं. २२ जगतपुरको बेलहठ्ठा हरियाली मध्यवर्ती सामुदायिक वनमा तस्करले गैंडा मारेका थिए । त्यस यता हालसम्म चोरी शिकारीका कारण गैंडा मारिएका थिएनन् ।

    निकुञ्जमा साउन यता तीन वटा गैंडा प्राकृतिक कारणले मरेका छन् । पछिल्लो गणना अनुसार नेपालमा ६ सय ४५ वटा गैंडा रहेकोमा ती मध्ये ६ सय ५ वटा चितवन राष्ट्रिय निकुञ्जमा रहेका छन् ।

    तपाईको प्रतिक्रिया

    ताजा अपडेट

    प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड
    • चितवनमा दसैँ–तिहार अवधिमा सडक दुर्घटनामा कमी, राजस्व बढ्यो

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.