पत्रकारले कालोपट्टि बाँधेर काम गरे, चितवनमा पनि विधेयकको विरोध
/१ जेष्ठ २०७६, बुधबार २०:१३
चितवन । मिडिया काउन्सिल सम्बन्धी विधेयकको विरोधमा आज देशभरका पत्रकारहरुले हातमा कालोपट्टि बाँधेर काम गरेका छन् । संसदमा दर्ता भएको मिडिया काउन्सिल सम्बन्धी विधेयकको विरोधमा नेपाल पत्रकार महासंघको आह्वानमा पत्रकारहरुले आफ्नो कार्य क्षेत्रमा हातमा कालोपट्टि बाँधेर काम गरेका हुन् ।
विधेयकको विरोधमा पत्रकार महासंघले आन्दोलन नै घोषणा गरेको छ । महासंघले उक्त विधेयक तत्काल फिर्ता लिई सरोकार पक्षसमेतको छलफल र सहमतिमा नेपालको संविधानको मूल भावना, प्रेस तथा अभिव्यक्ति स्वतन्त्रता सम्बन्धी अन्तर्राष्ट्रिय मूल्य, मान्यताका आधारमा पुनः विधेयक मस्यौदा गर्न सरकारसँग माग गरेको छ ।
उक्त विधेयकका प्रावधानहरुले मिडिया काउन्सिललाई सरकार नियन्त्रित अङ्गका रुपमा स्थापित गर्नुका साथै स्वतन्त्र पत्रकारितामाथि अङ्कुश लगाउने पत्रकार महासंघको ठहर छ । विधेयकमा आचारसंहिता उल्लङ्घन गरेको देखिएमा काउन्सिलले पत्रकार वा सञ्चारमाध्यमलाई पच्चीस हजार रुपैयाँदेखि दशलाख रुपैयाँसम्म जरीवाना तिराउन सक्ने प्रावधान छ ।
आजै पत्रकार महासंघको केन्द्र, प्रदेश र जिल्लामा सरोकार पक्षबीच मिडिया काउन्सिल सम्बन्धी विधेयकको बारेमा छलफल कार्यक्रम गरिएको छ । चितवनमा पनि नेपाल पत्रकार महासंघ चितवन शाखाले छलफल कार्यक्रम सम्पन्न गरेको छ ।
छलफल कार्यक्रममा महासंघका केन्द्रीय सदस्य सिर्जना अर्याल, प्रेस सङ्गठनका केन्द्रीय सदस्यद्वय सुरेशचन्द्र अधिकारी र शालिग्राम नेपाल, महासंघ चितवनका उपाध्यक्षद्वय नारायण अधिकारी र शान्ता अधिकारी, पूर्व अध्यक्ष जनक अर्याल, प्रदेश समिति सदस्य प्रवीण बराल, प्रेस चौतारी चितवनका अध्यक्ष तीर्थ नेपाल, प्रेस युनियन चितवनका अध्यक्ष अनिल ढकाललगायतले उक्त विधेयक संविधानको मर्म विपरित आएको र प्रेस स्वतन्त्रता विरोधी भएकोले फिर्ता लिनुपर्ने माग गर्नुभयो । प्रेस स्वतन्त्रता कमजोर हुँदा लोकतन्त्र कमजोर हुने भएकोले प्रेस स्वतन्त्रतालाई अक्षुण्ण राख्नुपर्नेमा उहाँहरुको जोड थियो । प्रेसलाई सङ्कुचन गर्ने किसिमबाट विधेयक आएको भन्दै उहाँहरुले प्रेस सम्बन्धि कानुनहरु स्वतन्त्र प्रेसको पक्षमा हुनुपर्ने धारणा राख्नुभएको थियो ।
पत्रकार महासंघ चितवनका अध्यक्ष राधेश्याम खतिवडाले संसदमा दर्ता भएको मिडिया काउन्सिल सम्बन्धी विधेयक परिमार्जन गर्नुपर्ने र प्रेस काउन्सिल स्वायत्त संस्था हुनुपर्नेमा जोड दिनुभयो । चितवनका पत्रकारहरुले पनि आज विधेयकको विरोधमा कालोपट्टि बाँधेर कार्य क्षेत्रमा काम गरेका उहाँले बताउनुभयो ।
यसैगरी, नेपाल प्रेस युनियन चितवनले जिल्ला प्रशासन कार्यालय, चितवनमार्फत प्रतिनिधि सभाका सभामुख र राष्ट्रिय सभाका अध्यक्षलाई मिडिया काउन्सिल विधेयक फिर्ता लिन माग गर्दै आज ज्ञापनपत्र बुझाएको छ । सरकारले ल्याउन लागेको मिडिया काउन्सील बिधेयकले प्रकाशन र प्रसारण गर्न नहुने तथा त्यसो गरेको अबस्थामा तोकिएको सजाय र जरिवाना पत्रकारीताको प्रवद्र्धन भन्दा पनि प्रतिवन्ध लगाउने नियत वाट ल्याईएको भन्दै ज्ञापन पत्र वुझाएको हो । विधेयकमा तोकिएको सजायँ र जरिवानाले पत्रकारिताको प्रवद्र्धन भन्दा पनि प्रतिबन्ध लगाउने नियतले ल्याइएको ज्ञापनपत्रमा उल्लेख गरिएको छ । प्रमुख जिल्ला अधिकारी जितेन्द्र बस्नेतलाई युनियनका जिल्ला अध्यक्ष अनिल ढकालले ज्ञापनपत्र बुझाउनुभएको थियो ।
चितवन । मिडिया काउन्सिल सम्बन्धी विधेयकको विरोधमा आज देशभरका पत्रकारहरुले हातमा कालोपट्टि बाँधेर काम गरेका छन् । संसदमा दर्ता भएको मिडिया काउन्सिल सम्बन्धी विधेयकको विरोधमा नेपाल पत्रकार महासंघको आह्वानमा पत्रकारहरुले आफ्नो कार्य क्षेत्रमा हातमा कालोपट्टि बाँधेर काम गरेका हुन् ।
विधेयकको विरोधमा पत्रकार महासंघले आन्दोलन नै घोषणा गरेको छ । महासंघले उक्त विधेयक तत्काल फिर्ता लिई सरोकार पक्षसमेतको छलफल र सहमतिमा नेपालको संविधानको मूल भावना, प्रेस तथा अभिव्यक्ति स्वतन्त्रता सम्बन्धी अन्तर्राष्ट्रिय मूल्य, मान्यताका आधारमा पुनः विधेयक मस्यौदा गर्न सरकारसँग माग गरेको छ ।
उक्त विधेयकका प्रावधानहरुले मिडिया काउन्सिललाई सरकार नियन्त्रित अङ्गका रुपमा स्थापित गर्नुका साथै स्वतन्त्र पत्रकारितामाथि अङ्कुश लगाउने पत्रकार महासंघको ठहर छ । विधेयकमा आचारसंहिता उल्लङ्घन गरेको देखिएमा काउन्सिलले पत्रकार वा सञ्चारमाध्यमलाई पच्चीस हजार रुपैयाँदेखि दशलाख रुपैयाँसम्म जरीवाना तिराउन सक्ने प्रावधान छ ।
आजै पत्रकार महासंघको केन्द्र, प्रदेश र जिल्लामा सरोकार पक्षबीच मिडिया काउन्सिल सम्बन्धी विधेयकको बारेमा छलफल कार्यक्रम गरिएको छ । चितवनमा पनि नेपाल पत्रकार महासंघ चितवन शाखाले छलफल कार्यक्रम सम्पन्न गरेको छ ।
छलफल कार्यक्रममा महासंघका केन्द्रीय सदस्य सिर्जना अर्याल, प्रेस सङ्गठनका केन्द्रीय सदस्यद्वय सुरेशचन्द्र अधिकारी र शालिग्राम नेपाल, महासंघ चितवनका उपाध्यक्षद्वय नारायण अधिकारी र शान्ता अधिकारी, पूर्व अध्यक्ष जनक अर्याल, प्रदेश समिति सदस्य प्रवीण बराल, प्रेस चौतारी चितवनका अध्यक्ष तीर्थ नेपाल, प्रेस युनियन चितवनका अध्यक्ष अनिल ढकाललगायतले उक्त विधेयक संविधानको मर्म विपरित आएको र प्रेस स्वतन्त्रता विरोधी भएकोले फिर्ता लिनुपर्ने माग गर्नुभयो । प्रेस स्वतन्त्रता कमजोर हुँदा लोकतन्त्र कमजोर हुने भएकोले प्रेस स्वतन्त्रतालाई अक्षुण्ण राख्नुपर्नेमा उहाँहरुको जोड थियो । प्रेसलाई सङ्कुचन गर्ने किसिमबाट विधेयक आएको भन्दै उहाँहरुले प्रेस सम्बन्धि कानुनहरु स्वतन्त्र प्रेसको पक्षमा हुनुपर्ने धारणा राख्नुभएको थियो ।
पत्रकार महासंघ चितवनका अध्यक्ष राधेश्याम खतिवडाले संसदमा दर्ता भएको मिडिया काउन्सिल सम्बन्धी विधेयक परिमार्जन गर्नुपर्ने र प्रेस काउन्सिल स्वायत्त संस्था हुनुपर्नेमा जोड दिनुभयो । चितवनका पत्रकारहरुले पनि आज विधेयकको विरोधमा कालोपट्टि बाँधेर कार्य क्षेत्रमा काम गरेका उहाँले बताउनुभयो ।
यसैगरी, नेपाल प्रेस युनियन चितवनले जिल्ला प्रशासन कार्यालय, चितवनमार्फत प्रतिनिधि सभाका सभामुख र राष्ट्रिय सभाका अध्यक्षलाई मिडिया काउन्सिल विधेयक फिर्ता लिन माग गर्दै आज ज्ञापनपत्र बुझाएको छ । सरकारले ल्याउन लागेको मिडिया काउन्सील बिधेयकले प्रकाशन र प्रसारण गर्न नहुने तथा त्यसो गरेको अबस्थामा तोकिएको सजाय र जरिवाना पत्रकारीताको प्रवद्र्धन भन्दा पनि प्रतिवन्ध लगाउने नियत वाट ल्याईएको भन्दै ज्ञापन पत्र वुझाएको हो । विधेयकमा तोकिएको सजायँ र जरिवानाले पत्रकारिताको प्रवद्र्धन भन्दा पनि प्रतिबन्ध लगाउने नियतले ल्याइएको ज्ञापनपत्रमा उल्लेख गरिएको छ । प्रमुख जिल्ला अधिकारी जितेन्द्र बस्नेतलाई युनियनका जिल्ला अध्यक्ष अनिल ढकालले ज्ञापनपत्र बुझाउनुभएको थियो ।