सीता अयोध्याका रामलाई दिएका हौं, अयोध्या ठोरीमा पर्छ : प्रम ओली
न्युजभित्तो/२९ असार २०७७, सोमबार २०:४६
काठमाण्डौं । प्रधानमन्त्री केपी शर्मा ओलीले जनककी छोरी सीता नेपालको ठोरीमा पर्ने अयोध्याका रामलाई दिएको बताउनु भएको छ । भारतले नक्कली अयोध्या खडा गरेर साँस्कृतिक तथ्यमाथि अतिक्रमण गरेको उहाँले बताउनु भएको हो ।
भगवान रामको राज्य अयोध्या नेपालको वीरगञ्ज पश्चिममा पर्ने भए पनि भारतले विवादित अयोध्या खडा गरेको उहाँको भनाई थियो । भानु जयन्तीका अवसरमा सोमबार प्रधानमन्त्री निवासमा भएको कार्यक्रममा उहाँले भन्नुभयो “हामी अहिले पनि ठानिरहेका छौं, हामीले सीता भारतका राजकुमार रामलाई दियौं । भारतका होइन, अयोध्याका रामलाई दिएका हौं हामीले । अयोध्या भनेको वीरगञ्ज भन्दा पश्चिमपट्टीको गाउँ हो ।”
‘अहिले खडा गरिएको अयोध्या नभएको बताउँदै उहाँले अयोध्याका बारेमा भीषण विवाद रहेको बताउनुभयो । अयोध्या वीरगञ्जको पश्चिमपट्टी ठोरीमा, वाल्मिकी आश्रम यही नेपालमा र दशरथबाट सन्तान नभएपछि पुत्रीष्टी यज्ञ लगाउने पण्डितजी रिडीको भएको उहाँले बताउनुभयो । ओलीले भन्नुभयो “दशरथका सन्तान राम पनि भारतीयका हुँदै होइनन्, ठाउँ (अयोध्या) पनि भारतीयको होइन । ठाउँ पनि नेपालको हो ।”
उहाँले अयोध्या भारतले दाबी गरेको ठाउँमा भएको भए त्यहाँका राजा विवाह गर्न जनकपुर कसरी आइपुगे भनेर प्रश्न गर्नुभयो । त्यसबेला न टेलिफोन न मोबाइल रहेको भन्दै प्रधानमन्त्री ओलीले भन्नुभयो “कताबाट थाहा होस्, थाहा हुन सम्भव थिएन । नजिकै खोजिन्थ्यो र बिहे भइहाल्थ्यो ।”
अयोध्या ठोरीमै भएको तर्क गर्दै उहाँले भन्नुभयो “रामले सीतालाई अहिले भनिँदै आएको अयोध्याबाट त्यत्रो दिन लगाएर वाल्मिकी आश्रममा छोडेका होइनन् । जंगलमा यसो परतिर लगेर छोडिदिनु भनेको ठाउँमा लक्ष्मण भाउजु लिएर महिनौं हराएका होइनन् । खुर्रर वाल्मिकी आश्रम पुर्याइदिए, फर्किए ।”
काठमाण्डौं । प्रधानमन्त्री केपी शर्मा ओलीले जनककी छोरी सीता नेपालको ठोरीमा पर्ने अयोध्याका रामलाई दिएको बताउनु भएको छ । भारतले नक्कली अयोध्या खडा गरेर साँस्कृतिक तथ्यमाथि अतिक्रमण गरेको उहाँले बताउनु भएको हो ।
भगवान रामको राज्य अयोध्या नेपालको वीरगञ्ज पश्चिममा पर्ने भए पनि भारतले विवादित अयोध्या खडा गरेको उहाँको भनाई थियो । भानु जयन्तीका अवसरमा सोमबार प्रधानमन्त्री निवासमा भएको कार्यक्रममा उहाँले भन्नुभयो “हामी अहिले पनि ठानिरहेका छौं, हामीले सीता भारतका राजकुमार रामलाई दियौं । भारतका होइन, अयोध्याका रामलाई दिएका हौं हामीले । अयोध्या भनेको वीरगञ्ज भन्दा पश्चिमपट्टीको गाउँ हो ।”
‘अहिले खडा गरिएको अयोध्या नभएको बताउँदै उहाँले अयोध्याका बारेमा भीषण विवाद रहेको बताउनुभयो । अयोध्या वीरगञ्जको पश्चिमपट्टी ठोरीमा, वाल्मिकी आश्रम यही नेपालमा र दशरथबाट सन्तान नभएपछि पुत्रीष्टी यज्ञ लगाउने पण्डितजी रिडीको भएको उहाँले बताउनुभयो । ओलीले भन्नुभयो “दशरथका सन्तान राम पनि भारतीयका हुँदै होइनन्, ठाउँ (अयोध्या) पनि भारतीयको होइन । ठाउँ पनि नेपालको हो ।”
उहाँले अयोध्या भारतले दाबी गरेको ठाउँमा भएको भए त्यहाँका राजा विवाह गर्न जनकपुर कसरी आइपुगे भनेर प्रश्न गर्नुभयो । त्यसबेला न टेलिफोन न मोबाइल रहेको भन्दै प्रधानमन्त्री ओलीले भन्नुभयो “कताबाट थाहा होस्, थाहा हुन सम्भव थिएन । नजिकै खोजिन्थ्यो र बिहे भइहाल्थ्यो ।”
अयोध्या ठोरीमै भएको तर्क गर्दै उहाँले भन्नुभयो “रामले सीतालाई अहिले भनिँदै आएको अयोध्याबाट त्यत्रो दिन लगाएर वाल्मिकी आश्रममा छोडेका होइनन् । जंगलमा यसो परतिर लगेर छोडिदिनु भनेको ठाउँमा लक्ष्मण भाउजु लिएर महिनौं हराएका होइनन् । खुर्रर वाल्मिकी आश्रम पुर्याइदिए, फर्किए ।”