भरतपुर । नेपाल कम्युनिष्ट पार्टी (नेकपा) का अध्यक्ष पुष्पकमल दाहालले पार्टी विभाजन हुन नदिने बताउनु भएको छ । जिल्ला पार्टी कार्यालयमा आईतबार कार्यकर्ता भेटघाट कार्यक्रमलाई सम्बोधन गर्दै उहाँले पार्टी एकतालाई अछुण राख्ने बताउनुभयो ।
कार्यकर्तालाई सम्बोधन गर्दै उहाँले भन्नुभयो “पार्टी विभाजित हुन दिईने छैन, पार्टीको एकतालाई अक्षुण राखिने छ, यो विश्वास तपाईहरुलाई दिलाउन चाहन्छु ।” पार्टी एकताबद्ध हुने भन्दै उहाँले कार्यकर्तालाई भन्नुभयो “अहिले यता र उता दौडिनु भयो भने पछि पछुताउनुहोला ।” उहाँले सबैले पार्टी एकताको पक्षमा नारा लगाउनु पर्ने बताउनुभयो ।
पार्टी एकता हुन नै नदिन ठूलो चलखेल भएको स्मरण गराउँदै उहाँले एकता हुन रोक्नका लागि आफूलाई प्रधानमन्त्रीको प्रस्ताव समेत आएको खुलासा गर्नुभयो । उहाँले भन्नुभयो “निर्वाचनपछि दुई पार्टी मिल्न नदिन मलाई पाँच वर्षका लागि प्रधानमन्त्री बन्न प्रस्ताव आएको थियो ।”
चीनमा विशाल कम्युनिष्ट पार्टी नफुटेको बताउँदै उहाँले चिनिया नेतासँगको छलफलमा विचार र विधिबाट चलेमा पार्टी नफुट्ने बताएको उहाँको भनाई थियो । उहाँले पार्टीमा विवाद भएमा विधिबाट समाधान खोजिने बताउनुभयो ।
हिजो संविधान नबनोस् भनेर धेरै कसरत भएको बताउँदै उहाँले भन्नुभयो “संविधान बन्न नदिने दवावलाई परास्त गरेर संविधान बनायौं ।” पार्टी र नेतालाई उक्साउने प्रबृत्तिका विरुद्ध खबरदारी गर्न उहाँले कर्ताकर्तालाई आग्रह गर्नुभयो ।
संविधान बनाउनेदेखि नाकाबन्दी, नयाँ नक्सा जारी गर्ने जस्ता कार्य सबै मिलेर गरेको बताउँदै उहाँले भन्नुभयो “कोही राष्ट्रवादी, कोही राष्ट्रघाती होइनौं । सबै मिलेर गरेका छौं ।”
भरतपुर । नेपाल कम्युनिष्ट पार्टी (नेकपा) का अध्यक्ष पुष्पकमल दाहालले पार्टी विभाजन हुन नदिने बताउनु भएको छ । जिल्ला पार्टी कार्यालयमा आईतबार कार्यकर्ता भेटघाट कार्यक्रमलाई सम्बोधन गर्दै उहाँले पार्टी एकतालाई अछुण राख्ने बताउनुभयो ।
कार्यकर्तालाई सम्बोधन गर्दै उहाँले भन्नुभयो “पार्टी विभाजित हुन दिईने छैन, पार्टीको एकतालाई अक्षुण राखिने छ, यो विश्वास तपाईहरुलाई दिलाउन चाहन्छु ।” पार्टी एकताबद्ध हुने भन्दै उहाँले कार्यकर्तालाई भन्नुभयो “अहिले यता र उता दौडिनु भयो भने पछि पछुताउनुहोला ।” उहाँले सबैले पार्टी एकताको पक्षमा नारा लगाउनु पर्ने बताउनुभयो ।
पार्टी एकता हुन नै नदिन ठूलो चलखेल भएको स्मरण गराउँदै उहाँले एकता हुन रोक्नका लागि आफूलाई प्रधानमन्त्रीको प्रस्ताव समेत आएको खुलासा गर्नुभयो । उहाँले भन्नुभयो “निर्वाचनपछि दुई पार्टी मिल्न नदिन मलाई पाँच वर्षका लागि प्रधानमन्त्री बन्न प्रस्ताव आएको थियो ।”
चीनमा विशाल कम्युनिष्ट पार्टी नफुटेको बताउँदै उहाँले चिनिया नेतासँगको छलफलमा विचार र विधिबाट चलेमा पार्टी नफुट्ने बताएको उहाँको भनाई थियो । उहाँले पार्टीमा विवाद भएमा विधिबाट समाधान खोजिने बताउनुभयो ।
हिजो संविधान नबनोस् भनेर धेरै कसरत भएको बताउँदै उहाँले भन्नुभयो “संविधान बन्न नदिने दवावलाई परास्त गरेर संविधान बनायौं ।” पार्टी र नेतालाई उक्साउने प्रबृत्तिका विरुद्ध खबरदारी गर्न उहाँले कर्ताकर्तालाई आग्रह गर्नुभयो ।
संविधान बनाउनेदेखि नाकाबन्दी, नयाँ नक्सा जारी गर्ने जस्ता कार्य सबै मिलेर गरेको बताउँदै उहाँले भन्नुभयो “कोही राष्ट्रवादी, कोही राष्ट्रघाती होइनौं । सबै मिलेर गरेका छौं ।”