स्थिर सरकारको पक्षमा बुधवार भरतपुरको चौबीसकोठीमा बृहत प्रदर्शन हुने

चितवन । स्थिर सरकारको पक्षमा बुधबार भरतपुरको चौबीसकोठीमा वृहत प्रदर्शन हुने भएको छ । दिउँसो ३ बजे स्थिर सरकारको पक्षमा देशभक्त युवा, विद्यार्थी तथा नागरिक अगुवाहरुले प्रदर्शन गर्न लागेका हुन् ।

जिल्लाका विभिन्न स्थानबाट राष्ट्रिय झण्डा, प्लेकार्ड र ब्यानर सहित नागरिकहरु कार्यक्रममा सहभागी हुने जिल्ला युवा समिति चितवनका अध्यक्ष अस्मिन घिमिरेले जानकारी दिनुभयो । कोरोना भाईरससँगै सिर्जित समस्यासँग जुधिरहेको वर्तमान सरकार ढाल्न देशी विदेशी शक्तिकेन्द्रहरु लागेको बताँउदै घिमिरेले खवरदारी गर्न कार्यक्रमको आयोजना गरिएको बताउनुभयो ।

एकै दिन पारेर चितवन सहित देशका विभिन्न जिल्लाहरुमा वर्तमान सरकारको निरन्तरताको माग गर्दै दवावमुलक कार्यक्रमको आयोजना गरिएको छ ।