प्रधानमन्त्री ओलीको समर्थनमा शुक्रबार चितवनमा बृहत प्रदर्शन गरिने

चितवन । राष्ट्रवादी नेता, नेपाल कम्युनिष्ट पार्टी (नेकपा) का अध्यक्ष एवं प्रधानमन्त्री केपी ओलीको समर्थनम शुक्रबार चितवनको भरतपुरमा शुक्रबार बृहत प्रदर्शन हुने भएको छ । अपरान्त ४ बजे भरतपुरको चौबीसकोठीमा प्रदर्शन हुन लागेको हो । लिम्पियाधुरासहितको गुमेको भूमि नेपालको नक्सामा ल्याई भूमि फिर्ताको कुटनीति पहल शुरु गरेका केपी ओलीका विरुद्ध भारतीयको ईसारामा सत्ताच्युतको गर्ने खेलमा लागेका विरुद्ध प्रदर्शन हुन लागेका बताईएको छ ।

सत्तारुढ नेपाल कम्युनिस्ट पार्टी नेकपाको स्थायी कमिटीमा ओलीले प्रधानमन्त्री र अध्यक्ष दुबै पदबाट राजीनामा दिनुपर्ने माग भएपछि ओलीका समर्थकले प्रदर्शन गर्न लागेका हुन् । बिहीबार पनि देशका विभिन्न भागमा प्रदर्शन भएका छन् । शुक्रबार चितवन सहित देशका विभिन्न भागमा प्रदर्शन हुने जनाईएको छ ।

गाउँ गाँउबाट प्रधानमन्त्री ओलीका समर्थक र नेकपाका कार्यकर्ताहरुलाई उपस्थित हुन आग्रह गरिएको विद्यार्थी नेता अस्मिन घिमिरेले जानकारी दिनुभयो । केही नेताको स्वार्थ पूरा गर्न र भारतीय चलखेलका आधारमा केपी ओलीको सरकारलाई दबाब दिने काम भएको भन्दै सरकारलाई सत्ता नछाड्न दबाब दिने उहाँले बताउनुभयो ।

सो कार्यक्रममा “सरकार ढाल्न पाइँदैन”, “आज होइन भोलिलाई, हाम्रो समर्थन ओलीलाई” जस्ता नारा तय गरिएको छ । केपी ओली पाँच वर्षका लागि प्रधानमन्त्री हुने भन्दै निर्वाचनमा प्रचार गरेर दुई तिहाई नजिक पुगेको नेकपामा केही सत्ता लुलुपहरुले भारतको ईसारामा सरकार ढाल्ने असफल प्रयास गरेको आरोप लागेको छ ।