चितवनमा कोरोना संक्रमणका कारण दोस्रो व्यक्तिको मृत्यु

चितवन । चितवनमा शनिवार कोरोना संक्रमणका कारण दोस्रो व्यक्तिको मृत्यु भएको छ । कैलाली जिल्लाको गोदावरी नगरपालिका ७ लालपुरका ५० बर्षिय पुरुषको बिहान ७ बजे भरतपुर अस्पतालको आइसियू कक्षमा मृत्यु भएको हो ।

शुक्रबार दिउँसोदेखि उनको स्वास्थ्य अवस्था जटिल बन्दै गएको थियो । स्वासप्रश्वासमा समस्या देखिएपछि उनलाई आइसोलेशन वार्डबाट आइसियूमा सारिएको भरतपुर अस्पतालले जनाएको छ ।

चितवन मेडिकल कलेजमा उपचाररत उनलाई बिहिबार राती कोरोना संक्रमण पुष्टि भएको थियो । कोरोना पुष्टि भएपछि उनलाई भरतपुर अस्पताल सारिएको थियो । यसअघि भरतपुर महानगरपालिका वडा नं. ११ का कोरोना संक्रमितको मृत्यु भएको थियो ।