होटल तथा रेष्टुरेण्ट नखोल्न चितवन प्रशासनको आग्रह, अटेर गरे कारवाहीको चेतावनी

चितवन । जिल्ला प्रशासन कार्यालय चितवनले होटल तथा रेष्टुरेण्टहरु संचालन नगर्न आग्रह गरेको छ । कार्यालयले आज (मंगलबार) एक सूचना जारी गरी टेकअवे सेवा प्रदान गर्ने र क्वारेन्टिनका लागि तोकिएका होटल तथा रेष्टुरेण्ट बाहेक अन्य संचालन गर्न नपाईने जनाएको हो ।
जारी सूचनामा टेकअवे सेवा दिन र होटलहरुले क्वारेन्टिन सेवा दिन जिल्ला प्रशासन कार्यालयबाट पूर्व स्वीकृति लिएर मात्र सञ्चालन गर्न पाइने व्यवस्था भएको उल्लेख छ । कोभिड १९ को संक्रमणको जोखिम नहुने गरी स्वास्थ्य सम्बन्धी मापदण्ड पालना गरेर त्यस्तो सेवा दिन इच्छुक रेष्टुरेण्ट तथा होटलहरुले पालना गर्ने मापदण्ड सहित निवेदन दिएमा उचित निर्णय गरिने प्रशासनले जनाएको छ ।

कसैले सूचना अवज्ञा गरी होटल तथा रेष्टुरेण्ट संचालन गरेको पाइएमा संक्रामक रोग ऐन २०२० बमोजिम कारवाही हुने चेतावनी प्रशासनले दिईएको छ ।