थप ५३८ सङ्क्रमित, कुल दशहजार ९९, थप एकको मृत्यु, मृतक संख्या २४ पुग्यो

काठमाडौँ । पछिल्लो २४ घण्टामा नेपालमा थप ५३८ जनामा कोरोना सङ्क्रमण पुष्टि भएको छ । उनीहरु मध्ये ४४८ जना पुरुष र ९० जना महिला रहेका छन् । योसँगै नेपालमा कुल सङ्क्रमित सङ्ख्या पुगेको दशहजार ९९ स्वास्थ्य तथा जनसङ्ख्या मन्त्रालयले मगंलबार गरेको पत्रकार सम्मेलनमा प्रवक्ता प्रा.डा.जागेश्वर गौतमले जानकारी दिनुभयो ।

यस्तै, थप ७६ जना निको भएर डिस्चार्ज भएका छन् । मगंलबार मात्रै ८ महिला र ६८ पुरुष डिस्चार्ज भएका हुन्। सँगै कुल डिस्चार्ज हुनेको सङ्ख्या दुई हजार २२४ पुगेको छ । समा १८९ महिला र २०३५ पुरुष छन् ।

रेड जोनमा काठमाडौं र ललितपुरका एक एकजना थपेसँगै सङ्ख्या ५०८ पुगेको छ ।

त्यस्तै उहाँले दैलेखका ४५ वर्षका एकजना पुरूष कोरोनाका कारणले मृत्यु भएको बताउनुभयो । योसँगै मृत्यु हुनेको सङ्ख्या २४ पुगेको छ ।

नेपालमा कोरोना भाइरस फेला परेका जिल्लाहरुको संख्या ७६ छ । बागमती प्रदेशको रसुवा जिल्ला बाहेकका सबै जिल्लामा कोरोना सङ्क्रमण फैलिएको छ । नेपालमा ७७ वटा जिल्ला रहेका छन् ।