चितवनमा पहिलो पटक कोरोना संक्रमितको मृत्यु

चितवन । जिल्लामा पहिलो पटक कोरोना संक्रमित एक जनाको मृत्यु भएको छ । नारायणी सामुदायिक हस्पिटल भरतपुरमा उपचाररत रहेको अवस्थामा सोमबार कोरोना संक्रमण पुष्टि भएपछि सोमबार साँझ नै भरतपुर अस्पतालमा सारिएका ६८ वर्षिय एक पुरुषको मृत्यु भएको हो ।

उनको मंगलबार विहान ७ बजेर ५ मिनेटमा मृत्यु भएको भरतपुर अस्पतालका प्रमुख मेडिकल सुपरिटेण्डेन्ट डा. श्रीराम तिवारीले जानकारी दिनुभयो । उनी दमका बिरामी हुन् ।
जिल्लामा कोरोना संक्रमणबाट मृत्यु भएका ती व्यक्ति पहिलो हुन । उनी भरतपुर महानगरपालिका वडा नम्बर ११ निवासी हुन् ।

सोमबार मात्र भरतपुर प्रयोगशालामा स्वाब परिक्षण गरिएका ३ सय १० जना मध्ये ३० जनामा कोरोना संक्रमण देखिएको थियो । ती मध्ये २४ जना चितवनका हुन् ।