किशोरी हत्या आरोपमा एक युवक पक्राऊ, अर्का एक फरार

पाँचथर । आइतबार बेलुकी हिलिहाङ गाउँपालिकाकी १५ वर्षकी किशोरीको हत्या आरोपमा प्रहरीले एक जनालाई पक्राउ गरेको छ । जिल्लाको फाल्गुनन्द गाउँपालिका वडा नम्वर २ का भगीरथ बाँस्तोलालाई पक्राउ गरिएको पाँचथरका प्रहरी निरीक्षक अनिलकुमार पौडेलले जानकारी दिनुभएको छ ।

बाँस्तोलाले प्रारम्भिक बयानमा आफु र सोही स्थान बस्ने पदम तामाङ मिलेर किशोरीको हत्या गरेको स्वीकार गरेको प्रहरी निरीक्षक पौडेलले जानकारी दिनुभयो । बाँस्तोला पक्राउ परेपनि अर्का आरोपित तामाङ भने अझै फरार छन् । उनको खोजी भइरहेको प्रहरीले बताएको छ । पक्राउ परेका बाँस्तोलाले फरार रहेका पदम तामाङ हत्या भएकी किशोरीका प्रेमी रहेको बताएका छन् ।

पाँचथरको हिलिहाङ गाउँपालिका वडा नम्वर ४, पञ्चमीस्थित कार्तिके भन्ने स्थानमा स्थानीय १५ वर्षीया किशोरी शितल योङहाङको गएराती विभत्स शव फेला परेको थियो ।