घरभाडा र व्याजमा सहुलियत दिन नवलपुर होटल व्यवसायी संघको माग

नवलपुर । नवलपुर होटल व्यवसायी संघले लकडाउन अवधिको घरभाडा छुट दिन र बैंकको व्याजमा सहुलियत प्रदान गर्न सम्बन्धित पक्षसँग माग गरेको छ ।

संघका अध्यक्ष बालकृष्ण पौडेलले आईतबार एक प्रेस बिज्ञप्ति जारी गर्दै लकडाउनका कारण होटल व्यवसायीहरु धरासयी बनेकाले घरभाडा छुट र व्याजमा सहुलियत दिन सरोकारवालाहरुको ध्यानाकर्षण गराउनु भएको हो ।

पौडेलले जारी गरेको विज्ञप्तिमा भनिएको छ, “लकडाउनका कारण होटल व्यवसायीहरु टाट पल्टने अवस्थामा पुगेका छन् । त्यसकारण लकडाउन अवधिको घरभाडा तिर्न सक्ने अवस्थामा होटल व्यवसायीहरु छैनन् । त्यसैले सम्बन्धित घरधनी महानुभावहरुलाई यस अवधिको घरभाडा मिनाहा गरिदिनुहुन संघ हार्दिक अनुरोध गर्दछ । साथै यस बारेमा आवश्यक समन्वय गरिदिनुहुन स्थानीय प्रशासन, सम्बन्धित स्थानीयतहहरुसँग हार्दिक अनुरोध गर्दछौं ।”