कोरोना संक्रमितको संख्या ८८६ पुग्यो, आज एकै दिन ११४ जनामा संक्रमण

चितवन । नेपालमा कोरोना संक्रमितको संख्या ८८६ पुगेको छ । बुधबार एकै दिन ११४ जनामा कोरोना संक्रमण पुष्टि भएको छ । योसंगै कुल संक्रमितको संख्या बढेको हो।

बुधबार सबैभन्दा धेरै रौतहट, दाङलगायतका जिल्लामा कोरोना संक्रमित भेटिएका छन् । एकैदिन यति धेरैमा कोरोना संक्रमण देखिएको यो पहिलो हो । यसअघि हिजो ९० जनामा कोरोना संक्रमण देखिएको थियो । यस्तै डिस्चार्ज हुनेको संख्या १८३ जना पुगेको स्वास्थ्य तथा जनसंख्या मन्त्रालयले जनाएको छ ।