आज ६८ जनामा कोरोना सङ्क्रमण पुष्टि, सङ्क्रमित सङ्ख्या ५८४ पुग्यो

काठमाडौँ । आज ६८ जनामा कोरोनाभाइरस (कोभिड–१९) सङ्क्रमण पुष्टि भएको छ । यो सँगै नेपालमा कोरोना सङ्क्रमितको संख्या ५८४ पुगेको छ । स्वास्थ्य तथा जनसङ्ख्या मन्त्रालयले विहान ३२ र दिउँसो ३६ जनामा कोरोना सङ्क्रमण पुष्टि भएको जनाएको हो ।

स्वास्थ्य तथा जनसंख्या मन्त्रालयमा दिउँसो आयोजित नियमित पत्रकार सम्मेलनमा मन्त्रालयका प्रवक्ता डा. विकास देवकोटाले पछिल्लो पटक बाँकेमा २७ जना, बैतडीमा ४ जना, बर्दियामा १ जना, झापामा १ जना र सुर्खेतमा ३ जनामा गरि ३६ जनामा कोरोना सङ्क्रमण पुष्टि भएको जानकारी दिनुभयो ।