साँसद पोखरेलको समन्वयमा स्वास्थ्य कार्यालयलाई सामग्री हस्तान्तरण

चितवन । चितवन क्षेत्र नम्बर २ का प्रतिनिधि सभा सदस्य कृष्णभक्त पोखरेलको समन्वयमा जिल्ला स्वास्थ्य कार्यालय चितवनलाई प्राप्त स्वास्थ्य सामग्रीहरु आज हस्तान्तरण गरिएको छ । स्वास्थ्य मन्त्रालयसँग बिशेष माग गरि ती सामग्री ल्याईएको साँसद पोखरेलले जानकारी दिनुभयो ।

उहाँले कार्यालयका प्रशासकीय अधिकृत शिव पौडेललाई सामग्री हस्तान्तरण गर्नुभएको हो । चितवनका लागि विशेष माग गरि आरडिटि परिक्षण कीट दुई सय थान, भिटिएम तीन सय वटा, पीपीई ५० थान, थर्मल गन ४ थान, सय थान एन ९५ मास्क, पन्जा र सेनिटाइजर ल्याई हस्तान्तरण गरिएको साँसद पोखरेलले जानकारी दिनुभयो ।

सो क्रममा पोखरेलले चितवनमा पनि थप दुई जनामा सङ्क्रमण देखिएको र विदेशबाट नेपालीहरू आउने क्रम रहिरहेकाले अबको केहि दिन अत्यन्त्यै सतर्कताका साथ घरमा नै बसेर कोरना विरूद्दको अभियानमा सहयोग पुर्याउन सबैमा अपील समेत गर्नुभयो ।