मुम्बई इन्डियन्स बन्यो आईपीएलको बिजेता, चेन्नई एक रनले पराजित
/३० बैशाख २०७६, सोमबार ०८:१८
हैदराबाद (भारत) । रोहित शर्माको कप्तानीमा रहेको मुम्बई इन्डियन्सले यस सिजनको इन्डियन प्रिमियर लीग (आईपीएल)को उपाधी उचालेको छ । गएराति भएको कडा प्रतिष्पर्धामा भारतीय टीमका पूर्व कप्तान महेन्द्र सिंह धोनीको कप्तानीमा रहेको चेन्नई सुपर किङ्सलाई मात्र एक रनले पराजित गर्दै मुम्बई इन्डियन्सले विश्व क्रिकेटको एउटा चर्चित र प्रतिष्ठित प्रतियोगिताको १२औँ सीजनको फाईनल प्रतिष्पर्धामा उपाधी रक्षा गरेको हो । हैदराबादस्थित राजीव गान्धी इन्टरनेशनल स्टेडियममा भएको फाइनल प्रतिष्पर्धामा पहिला ब्याटिङ गर्दै मुम्बई इन्डियन्सले ८ विकेटको नोक्सानीमा १४९ रन बनाएको थियो । जवाबमा चेन्नईले पुरै २० ओभर खेल्दै १४८ रन मात्र बनाउन सक्यो । अन्तिम ओभरको अन्तिम बलमा चेन्नईलाई जीतका लागि २ रन आवश्यक थियो, जसमा लासिथ मालिङ्गाले शार्दुल ठाकुरलाई एलबीडब्ल्यू आउट गरेर आफ्नो अनुभवलाई फेरि सावित मात्रै गरेनन् टीमलाई जीतसमेत दिलाए । १५० रनको लक्ष्य पछ्याएको चेन्नईका शेन वाँट्शनले ५९ बलको सामना गरी ८० रन बनाएपनि जीतका लागि पर्याप्त हुन सकेन । चेन्नईलाई आखिरी ओभरमा ९ रन आवश्यक थियो, जबकी त्यतिनै बेला वाँट्शन आउट भए र चेन्नई धर्मराउन पुग्यो । आईपीएलमा मुम्बई र चेन्नईबीचको यो चौथो फाइनल थियो । जसमा मुम्बई तीन पटक च्याम्पियन बनेको छ । योसँगै मुम्बईले चार पटक आईपीएलको उपाधी जितेको छ भने चेन्नईले मुम्बईसँग बराबर बनाउने मौका गुमाएको छ । जितसँगै मुम्बई इन्डियन्सले २० करोड भारु पाएको छ भने रनर्स अप बनेको चेन्नई सुपर किङ्सले साढे १२ करोड भारु पाएको छ । त्यस्तै, तेस्रो नम्वरमा रहेको दिल्ली क्यापिटल्स र चौथो नम्वरमा रहेको सनराईजर्स हैदराबादले समान आठ करोड ७५ लाख भारु पाएका छन् ।
हैदराबाद (भारत) । रोहित शर्माको कप्तानीमा रहेको मुम्बई इन्डियन्सले यस सिजनको इन्डियन प्रिमियर लीग (आईपीएल)को उपाधी उचालेको छ । गएराति भएको कडा प्रतिष्पर्धामा भारतीय टीमका पूर्व कप्तान महेन्द्र सिंह धोनीको कप्तानीमा रहेको चेन्नई सुपर किङ्सलाई मात्र एक रनले पराजित गर्दै मुम्बई इन्डियन्सले विश्व क्रिकेटको एउटा चर्चित र प्रतिष्ठित प्रतियोगिताको १२औँ सीजनको फाईनल प्रतिष्पर्धामा उपाधी रक्षा गरेको हो ।
हैदराबादस्थित राजीव गान्धी इन्टरनेशनल स्टेडियममा भएको फाइनल प्रतिष्पर्धामा पहिला ब्याटिङ गर्दै मुम्बई इन्डियन्सले ८ विकेटको नोक्सानीमा १४९ रन बनाएको थियो । जवाबमा चेन्नईले पुरै २० ओभर खेल्दै १४८ रन मात्र बनाउन सक्यो ।
अन्तिम ओभरको अन्तिम बलमा चेन्नईलाई जीतका लागि २ रन आवश्यक थियो, जसमा लासिथ मालिङ्गाले शार्दुल ठाकुरलाई एलबीडब्ल्यू आउट गरेर आफ्नो अनुभवलाई फेरि सावित मात्रै गरेनन् टीमलाई जीतसमेत दिलाए । १५० रनको लक्ष्य पछ्याएको चेन्नईका शेन वाँट्शनले ५९ बलको सामना गरी ८० रन बनाएपनि जीतका लागि पर्याप्त हुन सकेन । चेन्नईलाई आखिरी ओभरमा ९ रन आवश्यक थियो, जबकी त्यतिनै बेला वाँट्शन आउट भए र चेन्नई धर्मराउन पुग्यो ।
आईपीएलमा मुम्बई र चेन्नईबीचको यो चौथो फाइनल थियो । जसमा मुम्बई तीन पटक च्याम्पियन बनेको छ । योसँगै मुम्बईले चार पटक आईपीएलको उपाधी जितेको छ भने चेन्नईले मुम्बईसँग बराबर बनाउने मौका गुमाएको छ ।
जितसँगै मुम्बई इन्डियन्सले २० करोड भारु पाएको छ भने रनर्स अप बनेको चेन्नई सुपर किङ्सले साढे १२ करोड भारु पाएको छ । त्यस्तै, तेस्रो नम्वरमा रहेको दिल्ली क्यापिटल्स र चौथो नम्वरमा रहेको सनराईजर्स हैदराबादले समान आठ करोड ७५ लाख भारु पाएका छन् ।