५८ वर्षीया महिलामाथि सामुहिक बलात्कार

बिपुल अधिकारी
पाँचथर । पाँचथरको फिदिम नगरपालिकाकी एक महिला तीनजनाको सामुहिक बलात्कारको शिकार भएकी छिन् । बलात्कारको आरोपमा एक जनालाई पाँचथर प्रहरीले पक्राउ गरेको छ भने अन्य दुईजना फरार रहेका प्रहरीले जनाएको छ ।

ती महिलाले शुक्रबार मध्य राति तीनजनाको समूहले आफुलाई बलात्कार गरेको भन्दै आइतबार जाहेरी दिएकी थिइन् ।

जाहेरीका आधारमा पक्राउ पर्नेमा ४५ वर्षका धनसिं फागो रहेका र फरार रहेका अन्य दुइजनाको खोजी भइरहेको जिल्ला प्रहरी कार्यालय, पाँचथरले जनाएको छ । शुक्रबार छिमेकीको घरमा विवाहमा गएकी ५८ वर्षिया महिलालाई तीन जनाले मध्यराति सामुहिक बलात्कार गरेका जाहेरीमा उल्लेख छ ।