कोभिड–१९ : थप ६२ जनामा सङ्क्रमण पुष्टि, कूल सङ्क्रमित ३५७

काठमाडौँ । नेपालमा कोरोनाभाइरस (कोभिड–१९) सङ्क्रमितको सङ्ख्या तीन सय ५७ पुगेको छ । आज विहान र दिउँसो गरी थप ६२ जनामा सङ्क्रमण पुष्टि भएपछि कूल सङ्क्रमित सङ्ख्या तीन सय ५७ पुगेको हो।

स्वास्थ्य तथा जनसङ्ख्या मन्त्रालयका प्रवक्ता डा. विकास देवकोटाले आज दिउँसो आयोजित नियमित पत्रकार सम्मेलनमा थप ५३ जनामा सङ्क्रमण पुष्टि भएको जानकारी दिनुभयो ।

डा. देवकोटाका अनुसार भेरी अस्पतालको प्रयोगशालामा गरिएको परीक्षणमा बाँके जिल्लामा ४६ जना पुरुष र एक महिलामा, विराटनगर प्रादेशिक प्रयोगशालामा गरिएको परीक्षणमा मोरङका एक जना पुरुषमा, भैरहवाको प्रयोगशालामा गुल्मीका एक पुरुषमा र धुलिखेल अस्पतालको प्रयोगशालामा धनुषा, रौतहट, धादिङ र दाङका एक/एक जना पुरुषमा सङ्क्रमण पुष्टि भएको छ। उनीहरू सबै जना १८ वर्षदेखि ४६ वर्ष उमेर समूहका छन् ।

यसअघि आज बिहान मन्त्रालयले नौ जना सङ्क्रमित थपिएका बताएको थियो । नेपालमा ३१ जिल्लाका नागरिक कोभिड–१९बाट सङ्क्रमित भएका छन्।