सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

कोरोना अस्पताल अनियमितता प्रकरण : आरोपित कर्मचारीलाई निलम्बन गर्न माग


  •    न्युजभित्तो/४ जेष्ठ २०७७, आईतवार २१:५० 
  • चितवन । नेपाल विद्यार्थी संघ, चितवन, साविक क्षेत्र नम्बर–३ ले कोरोना विशेष अस्पतालमा भएको भनिएको अनियमितताको सन्दर्भमा आरोप लागेका कर्मचारीलाई निलम्बन गरी छानवीनमा सहयोग गर्न माग गर्दै भरतपुर महानगरपालिका र भरतपुर अस्पतालमा ज्ञापन पत्र बुझाएको छ ।

    नेविसंघले भरतपुर महानगरपालिकामा ज्ञापन पत्र बुझाउन जाँदा महानगर प्रमुख रेनु दाहाल र प्रमुख प्रशासकीय अधिकृत प्रेम राज जोशीले भेट्न नचाहेपछि ज्ञापन पत्र सचिवालयमा दर्ता गराई भित्तामा टाँसिएको नेविसंघका कार्यवाहक क्षेत्रीय सभापति बसन्त गैरेले जानकारी दिनुभयो ।

    त्यसैगरी, नेविसंघले भरतपुर अस्पताल विकास समितिका अध्यक्ष डा. भोजराज अधिकारी तथा प्रमुख मेडिकल सुपरिटेण्डेन्ट डा. श्रीराम तिवारीलाई ज्ञापन पत्र बुझाएको छ । कोरोना भाईरस सङ्क्रमणको यस समयमा भरतपुर महानगरको अगुवाईमा निर्माण गरिएको कोरोना विशेष अस्पतालमा भएको भनिएको अनियमितताका विषयमा अस्पताल र महानगरले कुनै प्रकृया अघि नबढाएको भन्दै नेविसंघले विरोध स्वरुप ज्ञापन पत्र बुझाएको हो ।

    नेविसंघका कार्यवाहक क्षेत्रीय सभापति बसन्त गैरे, नेविसंघका नेताहरु कल्पना पौडेल, सरोज रेग्मी, परमेश्वर खनाल, सागर सुवेदी, ओमकार सापकोटालगायतको उपस्थितिमा ज्ञापन पत्र बुझाईएको थियो । अनियमितताको आरोप लागेका अस्पतालमा कार्यरत कर्मचारीहरुलाई निलम्बन गरी छानवीनलाई सहयोग गर्न नेविसंघले माग गरेको छ ।

    ज्ञापन पत्र बुझ्दै अस्पताल विकास समितिका अध्यक्ष डा. अधिकारीले सङ्कटको समयमा स्थापना गरिएको अस्पतालमा भएको लापरवाहीमा संलग्नलाई कारवाही गर्न भरतपुर अस्पताल तयार रहेको बताउनुभयो । घटनाको विषयमा अख्तियार दुरुपयोग अनुसन्धान आयोग र जिल्ला प्रशासन कार्यालय, चितवनले अनुसन्धान गरिरहेका भन्दै उहाँले अनुसन्धानको प्रतिवेदन पर्खन आग्रह गर्नुभयो ।

    तपाईको प्रतिक्रिया

    ताजा अपडेट

    प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड
    • चितवनमा दसैँ–तिहार अवधिमा सडक दुर्घटनामा कमी, राजस्व बढ्यो

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.