एकै दिन ५७ जना कोरोना सङ्क्रमित थपिए, कूल सङ्क्रमित १९१

काठमाडौँ । नेपालमा आज एकै दिन ५७ जना कोरोनाभाइरस (कोभिड–१९) सङ्क्रमित थपिएका छन् । योसँगै नेपालमा कोरोनाभाइरस सङ्क्रमितको सङ्ख्या एक सय ९१ पुगेको छ ।

स्वास्थ्य तथा जनसङ्ख्या मन्त्रालयका सह–प्रवक्ता डा. समिरकुमार अधिकारीका अनुसार पर्सा जिल्लाका ३९ जना, रुपन्देही जिल्लाका नौ जना, कपिलवस्तु जिल्लाका आठ जना र बारा जिल्लाका एक जनामा कोरोनाभाइरस सङ्क्रमण पुष्टि भएको हो । उनीहरु सबै पुरुष रहेका छन् ।

राष्ट्रिय जनस्वास्थ्य प्रयोगशाला, काठमाडौँको प्रयोगशालामा गरिएको परीक्षणमा उनीहरुमा कोरोनाभाइरसको सङ्क्रमण भेटिएको हो । डा. अधिकारीकाअनुसार उनीहरुको स्वास्थ्य अवस्था सामान्य रहेको छ भने उनीहरु स्वास्थ्यकर्मीको सम्पर्कमा रहेका छन् ।