सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

कान्दाका चेपाङलाई लायन्स क्लब अफ चितवन राईजको राहत


  •    न्युजभित्तो/२९ बैशाख २०७७, सोमबार १२:५४ 
  • चितवन । जिल्लाको विकट गाउँ कान्दाका वासिन्दालाई लायन्स क्लब अफ चितवन राईजले आज (सोमबार) राहात सामग्री हस्तान्तरण गरेको छ । राप्ती नगरपालिका वडा नं. १३ का अध्यक्ष सूर्यबहादुर चेपाङलाई क्लबले राहत हस्तान्तरण गरेको हो ।

    सो अवसरमा बजार मूल्य रु.४० हजार पर्ने तीन क्विन्टल चाउचाउ अध्यक्ष चेपाङलाई हस्तान्तरण गरिएको छ । क्लबका अध्यक्ष नारायण अधिकारी, प्रथम उपाध्यक्ष अर्जुन अर्याल, कोषाध्यक्ष तिलक रिमाल, निर्देशक राधेश्याम खतिवडा र स्मार्ट फुड एण्ड स्न्याक्स प्रा.लि.का महाप्रबन्धक विकास अमात्यले उद्योग परिसर रत्ननगर, पिठुवामा आयोजित संक्षिप्त कार्यक्रममा सामग्री हस्तान्तरण गर्नुभएको हो । क्लबलाई उद्योगले सहुलियत दरमा चाउचाउ उपलब्ध गराएको हो ।

    अध्यक्ष चेपाङले कान्दाका ७० परिवारलाई चाउचाउ वितरण गरिने जानकारी दिनुभयो । चाउचाउसँगै सो क्षेत्रको विकासमा लागिरहेको मितेरी फाउण्डेशन नेपालले सो क्षेत्रमा वितरण गर्न खाद्यान्न सामग्री लगेको छ । संस्थाका अध्यक्ष रविन्द्र बानियाका अनुसार फाउण्डेशनका सदस्यहरुले आर्थिक संकलन गरी ७० बोरा चामल, १४० पोका नुन, ७० पोका तेल, १४० वटा साबुन र ७० किलो केराउ पठाएको छ ।

    ती सामग्री त्यहाँका सबै परिवारलाई वितरण गरिंदै छ । बि.सं. २०६७ साल जेठमा विषालु च्याउ खाँदा कान्दाका एकै परिवारका ८ जनाको मृत्यु भएको थियो । आर्थिक रुपमा विपन्न चेपाङ समुदायको वस्ती रहेको सो क्षेत्र नगरपालिकामा पर्ने भए पनि निकै विकट क्षेत्रमा पर्दछ ।

    त्यहाँका वासिन्दालाई आफ्नो बारीको उब्जनीले वर्षभरीलाई खान पुग्दैन । कोरोनाको कारण भएको लकडाउनका कारण शहरी क्षेत्रमा काम पनि नपाउने भएपछि उनीहरुलाई खानाको समस्या परेको छ ।
    –––

    तपाईको प्रतिक्रिया

    ताजा अपडेट

    प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड
    • चितवनमा दसैँ–तिहार अवधिमा सडक दुर्घटनामा कमी, राजस्व बढ्यो

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.