आज विहानै थपिए दश जना कोरोना सङ्क्रमित, कूल सङ्क्रमित १२०

काठमाडौँ । थप दश जनामा कोरोनाभाइरस (कोभिड–१९) पुष्टि भएको । योसँगै नेपालमा कोरोना सङ्क्रमितको सङ्ख्या एक सय बीस पुगेको छ ।

स्वास्थ्य तथा जनसङ्ख्या मन्त्रालयका सह प्रवक्ता डाक्टर समिरकुमार अधिकारीले आज विहान प्रेस विज्ञप्ति प्रकाशित गरी राष्ट्रिय जनस्वास्थ्य प्रयोगशाला, काठमाडौँमा गरिएको परीक्षणमा थप दश जनामा कोरोना पुष्टि भएको जानकारी दिनुभएको छ ।

सह प्रवक्ता अधिकारीका अनुसार पछिल्लो पटक कोरोना पुष्टि हुनेमा कपिलवस्तुको यशोधरा गाउँपालिका वडा नम्वर–५ र बुद्धभूमि नगरपालिकाको वडा नम्वर ७ र १० का १८, १९, २०, २०, २४, ३०, ३१, ३४, ३४ वर्षीय पुरुषहरु रहेका छन् । त्यस्तै, अर्का एकजना उमेर नखुलेका पुरुष रहेका पनि उहाँले बताउनुभयो ।

उनीहरुको स्वास्थ्य अवस्था सामान्य रहेको र उनीहरु स्वास्थ्यकर्मीको सम्पर्कमा रहेका पनि सह प्रवक्ता अधिकारीले जानकारी दिनुभएको छ ।