थप आठ जनामा कोरोना पुष्टि, सङ्क्रमितको सङ्ख्या एक सय दश पुग्यो
न्युजभित्तो/२७ बैशाख २०७७, शनिबार २२:२९
काठमाडौँ । नेपालमा आज थप आठ जनामा कोरोनाभाइरस (कोभिड–१९) को सङ्क्रमण देखिएको छ । स्वास्थ्य तथा जनसङ्ख्या मन्त्रालयले थप आठ जनामा कोभिड–१९ को सङ्क्रमण पुष्टि भएको जनाएको हो ।
मन्त्रालयले उदयपुरको भुल्केमा चार, कपिलवस्तुमा तीन र पर्साको छपकैयामा एक जना नयाँ सङ्क्रमित फेला परेको जनाएको छ । राष्ट्रिय प्रयोगशाला, काठमाडौँ र कोशी अस्पताल, विराटनगरको प्रयोगशालामा गरिएको परीक्षणअनुसार नयाँ सङ्क्रमित पुष्टि भएको मन्त्रालयले जनाएको छ ।
योसँगै नेपालमा कोभिड–१९ सङ्क्रमितको सङ्ख्या एक सय दश पुगेको छ । उदपयपुरको भुल्के निवासी १८, ४३, ४५ र ६५ वर्षका महिला, कपिलवस्तुमा १७ र १८÷१८ वर्षका पुरुष तथा पर्साको छपकैयामा ६२ वर्षका पुरुषमा कोरोना सङ्क्रमण पुष्टि भएको मन्त्रालयले आज जनाएको छ । हालसम्म प्राप्त विवरणअनुसार सङ्क्रमितको स्वास्थ्य अवस्था सामान्य रहेको र उनीहरु स्वास्थ्यकर्मीको सम्पर्कमै रहेको विज्ञप्तिमा उल्लेख छ ।
कपिलवस्तुको जीतपुर गाउँपालिक वडा नम्वर–१, पकडीस्थित छत्रपाली तीर्थादेवी माविको क्वारेन्टाइनमा बसेका मध्ये तीन जनामा कोरोना संक्रमण पुष्टि भएको जिल्ला स्वास्थ्य कार्यालयले जनाएको छ । योसँगै कपिलवस्तुमा कोरोना पोजेटिभको सङ्ख्या पाँच पुगेको छ ।
यसअघि त्यहाँ रहेका ६५ मध्ये १२ जनाको परीक्षण हुँदा दुई सङ्क्रमित फेला परेका थिए । अब काठमाडौँको टेकुस्थित प्रयोगशालामा कपिलवस्तुबाट पठाइएको स्वाब परीक्षण गर्न बाँकी नरहेको कपिलवस्तुका प्रमुख जिल्ला अधिकारी दीर्घनारायण पौडेलले जानकारी दिनुभयो ।
त्यस्तै, उदयपुरमा कोरोना सङ्क्रमितको सङ्ख्या ३२ पुगेको छ ।
काठमाडौँ । नेपालमा आज थप आठ जनामा कोरोनाभाइरस (कोभिड–१९) को सङ्क्रमण देखिएको छ । स्वास्थ्य तथा जनसङ्ख्या मन्त्रालयले थप आठ जनामा कोभिड–१९ को सङ्क्रमण पुष्टि भएको जनाएको हो ।
मन्त्रालयले उदयपुरको भुल्केमा चार, कपिलवस्तुमा तीन र पर्साको छपकैयामा एक जना नयाँ सङ्क्रमित फेला परेको जनाएको छ । राष्ट्रिय प्रयोगशाला, काठमाडौँ र कोशी अस्पताल, विराटनगरको प्रयोगशालामा गरिएको परीक्षणअनुसार नयाँ सङ्क्रमित पुष्टि भएको मन्त्रालयले जनाएको छ ।
योसँगै नेपालमा कोभिड–१९ सङ्क्रमितको सङ्ख्या एक सय दश पुगेको छ । उदपयपुरको भुल्के निवासी १८, ४३, ४५ र ६५ वर्षका महिला, कपिलवस्तुमा १७ र १८÷१८ वर्षका पुरुष तथा पर्साको छपकैयामा ६२ वर्षका पुरुषमा कोरोना सङ्क्रमण पुष्टि भएको मन्त्रालयले आज जनाएको छ । हालसम्म प्राप्त विवरणअनुसार सङ्क्रमितको स्वास्थ्य अवस्था सामान्य रहेको र उनीहरु स्वास्थ्यकर्मीको सम्पर्कमै रहेको विज्ञप्तिमा उल्लेख छ ।
कपिलवस्तुको जीतपुर गाउँपालिक वडा नम्वर–१, पकडीस्थित छत्रपाली तीर्थादेवी माविको क्वारेन्टाइनमा बसेका मध्ये तीन जनामा कोरोना संक्रमण पुष्टि भएको जिल्ला स्वास्थ्य कार्यालयले जनाएको छ । योसँगै कपिलवस्तुमा कोरोना पोजेटिभको सङ्ख्या पाँच पुगेको छ ।
यसअघि त्यहाँ रहेका ६५ मध्ये १२ जनाको परीक्षण हुँदा दुई सङ्क्रमित फेला परेका थिए । अब काठमाडौँको टेकुस्थित प्रयोगशालामा कपिलवस्तुबाट पठाइएको स्वाब परीक्षण गर्न बाँकी नरहेको कपिलवस्तुका प्रमुख जिल्ला अधिकारी दीर्घनारायण पौडेलले जानकारी दिनुभयो ।
त्यस्तै, उदयपुरमा कोरोना सङ्क्रमितको सङ्ख्या ३२ पुगेको छ ।