प्रजातन्त्र सेनानी पाठकको ९० वर्षको उमेरमा निधन

चितवन । प्रजातन्त्रका सेनानी भिमप्रसाद पाठकको ९० वर्षको उमेरमा शनिबार निधन भएको छ । दिउँसो उहाँकै निवास गीतानगरमा निधन भएको हो । पाठक लामो समयदेखि अस्वस्थ हुनुहुन्थ्यो ।

पञ्चायत कालमा नेपाली काँग्रेस गीतानगर गाउँकमिटीको संस्थापक सदस्य भई संगठन बिस्तारका लाग्नु भएका पाठकको निधनले सिंगो पार्टीलाई क्षती पगेको काँग्रेस चितवनलेका सचिब राजिब न्यौपानेले बताउनुभयो ।

संगठन बिस्तारसँगै आवश्यक सूचनाहरु पार्टीलाई दिने काम गर्ने पाठकको पार्थिब शरीरमा काँग्रेस चितवनका सचिब न्यौपाने र नेता दिनेश कोईरालाले पार्टीको झण्डा ओढाउनु भएको थियो । उहाँको साँझ देवघाटमा अन्त्येष्टि गरिएको छ ।

पर्वतको पाङ्ग्राङ्मामा वि.सं. १९८७ सालमा जन्मनुभएका पाठकका एक श्रीमती, दुई छोरा र दुई छोरी हुनुहुन्छ ।