थप दुई जनामा कोरोना सङ्क्रमण, सङ्क्रमितको सङ्ख्या १०१ पुग्यो

काठमाडौँ । आज थप दुई जनामा कोरोनाभाइरस (कोभिड–१९) को सङ्क्रमण देखिएको छ । स्वास्थ्य तथा जनसंख्या मन्त्रालयका सहप्रवक्ता डा समिरकुमार अधिकारीले राष्ट्रिय प्रयोगशालामा परीक्षणका क्रममा कपिलबस्तुका १६ वर्षीय र २२ वर्षीय पुरुषमा संक्रमण देखिएको जानकारी दिनुभयो ।

योसँगै नेपालमा कोरोनाभाइरस संक्रमितको संख्या १०१ पुगेको छ । बुधबार एकै दिन १७ जनामा संक्रमण देखिएको थियो । मन्त्रालयका सहप्रवक्ता डा अधिकारीका अनुसार संक्रमितको अवस्था सामान्य रहेको र उनीहरु स्वास्थ्यकर्मीको निगरानीमा रहेका छन् ।