थप १७ जनामा कोरोना पुष्टि, नेपालमा सङ्क्रमितको सङ्ख्या ९९ पुग्यो

काठमाडौँ। आज एकैदिन थप १७ जनामा कोरोनाभाईरस (कोभिड–१९) सङ्क्रमणको पुष्टि भएको छ । यो सँगै नेपालमा कोरोना सङ्क्रमितको संख्या ९९ पुगेको छ ।

स्वास्थ्य तथा जनसंख्या मन्त्रालयका प्रवक्ता डाक्टर विकास देवकोटाका अनुसार आज सङ्क्रमण पुष्टि भएका १७ जना पर्सा जिल्लाको वीरगञ्जका हुन् । सङ्क्रमित हुनेमा १० जना पुरुष र सात जना महिला रहेका छन् । प्रवक्ता डाक्टर देवकोटाका अनुसार उनीहरुमध्ये एक जना दुई महिने शिशु पनि रहेका छन् ।