आज राष्ट्रिय पत्रकारिता दिवस

काठमाडौँ । आज वैशाख २४, राष्ट्रिय पत्रकारिता दिवस । पाँच वर्षअघि सरकारले आजको दिनलाई राष्ट्रिय पत्रकारिता दिवसका रुपमा मनाउने निर्णय गरेयता हरेक वर्ष विविध कार्यक्रमका साथ यो दिवस मनाइँदै आइएको छ ।

यो वर्ष कोरोनाभाइरस सङ्क्रमणका कारण भौतिकरुपमा जुटेर खुल्ला कार्यक्रमका साथ यो दिवस मनाउने अवस्था रहेन । नेपालमा गोरखापत्र प्रकाशन भएको दिनको अवसर पारेर बैशाख २४ गतेलाई राष्ट्रिय पत्रकारिता दिवस मनाउने निर्णय गरिएको हो । वि.सं. १९५८ वैशाख २४ गतेदेखि साप्ताहिक रूपमा गोरखापत्रको प्रकाशन सुरु भएको हो ।

यसैबीच, नेपाल पत्रकार महासंघका अध्यक्ष गोविन्द आचार्यले गोरखापत्रको १२० औँ वार्षिकउत्सव तथा पाँचौँ राष्ट्रिय पत्रकारिता दिवसका अवसरमा सम्पूर्ण सञ्चारकर्मीका साथै सबै महानुभावहरुमा हार्दिक शुभकामना व्यक्त गर्नुभएको छ । उहाँले भन्नुभएको छ– ‘नेपाली सञ्चार क्षेत्रको पुनर्संरचना, सञ्चार सम्वन्धी नयाँ कानून र संरचना निर्माणका साथै सञ्चार क्षेत्रका समस्या समाधानका लागि सबै तहका सरकारहरुले पेलेरै एकपक्षीय ढंगले अघि बढ्छु भन्ने सोंच त्याग्न सकून, सरोकार पक्षसँग व्यापक सहकार्य गर्ने वातावरण बनोस्, यही शुभकामना ।