नेपालमा थप १० जनामा कोरोना पुष्टि, सङ्क्रमितको सङ्ख्या ६९ पुग्यो
न्युजभित्तो/२१ बैशाख २०७७, आईतवार १७:०८
काठमाडौँ । नेपालमा एकै दिन थप १० जनामा कोरोनाभाइरस (कोभिड–१९) संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार नेपालगञ्जका नौ र वीरगञ्जका एक जनामा कोरोना संक्रमण देखिएको हो ।
“वीरगञ्ज महानगरपालिका वडा नम्बर ३ छपकैयाका ३६ वर्षीय पुरुषमा र भेरी अस्पतालको प्रयोगशालमा थप ९ जनामा कोरोना संक्रमण देखिएको हो” डा. देवकोटाले भन्नुभयो । वीरगञ्जका ३६ वर्षीय पुरुषको राष्ट्रिय जनस्वास्थ्य प्रयोगशालामा गरिएको परीक्षणमा संक्रमण भएको पुष्टि गरिएको हो । नेपालगञ्जमा कोरोना संक्रमण देखिनेमा पाँच पुरुष र चार महिला छन् । उनीहरु सात देखि ५८ वर्षसम्मका रहेका छन् ।
निको भएर घर फर्किएका रौतहटका १९ वर्षीय कोरोना संक्रमित पुरुषमा पुनः लक्ष्ण देखिएपछि नारायणी अस्पतालको आइसोलेसनमा राखिएको मन्त्रालयले जनाएको छ ।
हालसम्म कोरोना भाइरसको आशंकामा नमुना संकलन गरेर पीसीआर विधिबाट १३ हजार ४१४ र आरडीटी विधिबाट ४९ हजार ६८८ जनाको परीक्षण गरिएको मन्त्रालयले जनाएको छ । आज सातै प्रदेशका विभिन्न अस्पतालको आइसोलेसनमा ७७ जना रहेका छन् । जसमा काठमाडौं उपत्यकमा चार जना र उपत्यकका बाहिर ७३ रहेका मन्त्रालयका प्रवक्ता डा. देवकोटाले जानकारी दिनुभयो । आज क्वारेन्टाइनमा २१ हजार ९५१ जना जना रहेका मन्त्रालयले जनाएको छ ।
काठमाडौँ । नेपालमा एकै दिन थप १० जनामा कोरोनाभाइरस (कोभिड–१९) संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार नेपालगञ्जका नौ र वीरगञ्जका एक जनामा कोरोना संक्रमण देखिएको हो ।
“वीरगञ्ज महानगरपालिका वडा नम्बर ३ छपकैयाका ३६ वर्षीय पुरुषमा र भेरी अस्पतालको प्रयोगशालमा थप ९ जनामा कोरोना संक्रमण देखिएको हो” डा. देवकोटाले भन्नुभयो । वीरगञ्जका ३६ वर्षीय पुरुषको राष्ट्रिय जनस्वास्थ्य प्रयोगशालामा गरिएको परीक्षणमा संक्रमण भएको पुष्टि गरिएको हो । नेपालगञ्जमा कोरोना संक्रमण देखिनेमा पाँच पुरुष र चार महिला छन् । उनीहरु सात देखि ५८ वर्षसम्मका रहेका छन् ।
निको भएर घर फर्किएका रौतहटका १९ वर्षीय कोरोना संक्रमित पुरुषमा पुनः लक्ष्ण देखिएपछि नारायणी अस्पतालको आइसोलेसनमा राखिएको मन्त्रालयले जनाएको छ ।
हालसम्म कोरोना भाइरसको आशंकामा नमुना संकलन गरेर पीसीआर विधिबाट १३ हजार ४१४ र आरडीटी विधिबाट ४९ हजार ६८८ जनाको परीक्षण गरिएको मन्त्रालयले जनाएको छ । आज सातै प्रदेशका विभिन्न अस्पतालको आइसोलेसनमा ७७ जना रहेका छन् । जसमा काठमाडौं उपत्यकमा चार जना र उपत्यकका बाहिर ७३ रहेका मन्त्रालयका प्रवक्ता डा. देवकोटाले जानकारी दिनुभयो । आज क्वारेन्टाइनमा २१ हजार ९५१ जना जना रहेका मन्त्रालयले जनाएको छ ।