झापामा थप एक जनामा कोरोना पुष्टि, सङ्क्रमितको संख्या ५२ पुग्यो

काठमाडौँ । नेपालमा कोरोनाभाइरस (कोभिड–१९) संक्रमितको संख्या ५२ पुगेको छ । आज साँझ थप एक जनामा कोरोना संक्रमण पुष्टि भएपछि संक्रमितको संख्या ५२ पुगेको हो ।

आज साँझ कोरोना पुष्टि भएकाका झापाका ५० वर्षका पुरुष रहेका स्वास्थ्य तथा जनसंख्या मन्त्रालयका सह प्रवक्ता डा. समिरकुमार अधिकारीले जानकारी दिनुभएको छ । ती व्यक्तिको कोशी अस्पताल विराटनगरमा गरिएको स्वाब परीक्षणमा कोरोना पुष्टि भएको हो ।

उनी अस्पतालको सम्पर्कमा रहेका र स्वास्थ्य अवस्था सामान्य रहेको मन्त्रालयका सह प्रवक्ता डा. अधिकारीले बताउनुभएको छ । उहाँका अनुसार कोरोनाभाइरस संक्रमित भएका मध्ये हालसम्म १६ जना उपचार पछि निको भई घर फर्किसकेका छन् ।