सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

नागरिकको उपचारबारे मानवअधिकार अनुगमन समितिको चासो


  •    न्युजभित्तो/९ बैशाख २०७७, मंगलवार २१:०८ 
  • चितवन । कोभिड–१९को सन्दर्भमा गठित चितवन जिल्ला स्तरीय मानवअधिकार अवस्था अनुगमन समितिले भरतपुर अस्पतालले नागरिकको स्वास्थ्य उपचारमा हाल गरिरहेको व्यवस्थापन बारे आज जानकारी लिएको छ । समितिका अध्यक्ष कमलराज पाठक, सदस्यहरु तीर्थ नेपाल र सुरेश अधिकारीको टोलीले अस्पतालका अध्यक्ष डा। भोजराज अधिकारीसँग भेट गरेर यस विषयमा छलफल गरेको हो ।

    समितिका अध्यक्ष पाठकले अत्यावश्यकीय स्वास्थ्य उपचारबाट कोहि पनि नागरिक बञ्चित हुन नपरोस् भनि अस्पतालको ध्यानाकर्षण गराउनु भएको थियो । अस्पताल विकास समितिका अध्यक्ष डा। अधिकारीले नागरिकको अत्यावश्यकीय स्वास्थ्य उपचारमा अस्पताल संवेदनशील रहेको जनाउँदै कोभिड–१९ उपचार सेवा, आकस्मिक उपचार सेवा, प्रसुति सेवा चलिरहेको जानकारी गराउनुभयो।

    अस्पतालमा आउने अन्य बिरामीको सङ्ख्या घटेको तर्फ सङ्केत गर्दै अधिकारीले आकस्मिक स्वास्थ्य समस्या परेका विरामीलाई निर्धक्क भएर अस्पताल आउन अपिल पनि गर्नुभयो । कोरोना उपचारका लागि अत्यन्तै सतर्कता र उच्च सावधानी अपनाईएकोले कुनै असहजता नमान्न उहाँको आग्रह छ । भरतपुर अस्पताल र यसै अस्पतालबाट सञ्चालित कोरोना विशेष अस्पतालबाट कोभिड–१९ को उपचार सेवा चलिरहेको उहाँले जानकारी दिनुभयो ।

    कोरोनाभाइरसका विरामीका लागि ७० बेडको कोरोना विशेष अस्पताल र भरतपुर अस्पतालमा ४१ बेडमा सेवा सञ्चालन रहेको उहाँले बताउनुभयो । अस्पताल विकास समितिले कोरोना भाइरसको उपचारका लागि ५० लाख रुपैयाँ सम्मको थप प्राविधिक सामग्री खरीदको तयारी गरि निर्णय गरिएको पनि उहाँले जानकारी दिनुभयो ।

    सरकारले श्रेणीगत रुपमा कोभिड–१९को उपचार गर्न अस्पताल विभाजन गरेकोमा तेस्रो अर्थात अति जोखिम विरामीको उपचार गर्ने अस्पताल पनि चितवनमा तोकिदिन केन्द्रमा आग्रह गरिएको डा। अधिकारीले जानकारी दिनुभयो । ‘चितवनमा अति जोखिम विरामीको उपचार गर्ने पनि क्षमता छ तर सरकारले निर्दिष्ट गरेन, हामीले यहाँका मेडिकल कलेज मध्ये एकलाई त्यस्तो तोकिदिनु पर्यो भनेका छौँ’ उहाँले भन्नुभयो । आवश्यक परेमा जिल्लामा दुई सय ५० बेड क्षमतामा अस्पतालहरु र त्यसको एकतिहाई भेन्टिलेटर सुविधा उपयोग गर्न सकिने अवस्था रहेको पनि उहाँले जानकारी दिनुभयो ।

    तपाईको प्रतिक्रिया

    ताजा अपडेट

    प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड
    • चितवनमा दसैँ–तिहार अवधिमा सडक दुर्घटनामा कमी, राजस्व बढ्यो

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.