उदयपुरका थप आठ जनामा कोरोना सङ्क्रमण, नेपालमा सङ्क्रमितको सङ्ख्या ४० पुग्यो

काठमाडौँ । उदयपुरको त्रियुगा नगरपालिका–३, भुल्केका थप आठजनामा कोरोना भाइरस (कोभिड–१९) सङ्क्रमण भएको पुष्टि भएको छ । उनीहरु आठै जना पुरुष हुन् ।

कोशी अस्पतालमा गरिएको परीक्षणमा कोरोना पोजेटिभ देखिएपछि थप पुष्टिका लागि विपी कोइराला स्वास्थ्य विज्ञान प्रतिष्ठान धरान पठाइएकोमा त्यहाँ परीक्षण गर्दा आठै जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयको स्रोतले बताएको छ ।

योसँगै नेपालमा कोरोना सङ्क्रमितको सङ्ख्या ४० पुगेको छ । पाँच जना भने उपचारपछि निको भएर डिस्चार्ज भएका छन् ।