उदयपुरमा थप एक जनामा कोरोना सङ्क्रमण, नेपालमा सङ्क्रमितको संख्या ३२ पुग्यो
न्युजभित्तो/९ बैशाख २०७७, मंगलवार १७:४३
काठमाडौँ । उदयपुरमा आज थप एक जना पुरुषमा कोरोना भाइरस (कोभिड–१९)को सङ्क्रमण देखिएको छ । योसँगै नेपालमा कोरोना सङ्क्रमितको सङ्ख्या ३२ पुगेको छ ।
राष्ट्रिय जनस्वास्थ्य प्रयोगशाला, टेकुमामा गरिएको परीक्षणमा उदयपुरका ३३ वर्षीय पुरुषमा कोरोना पोजेटिभ देखिएको स्वास्थ्य तथा जनसंख्या मन्त्रालयका प्रवक्ता विकास देवकोटाले जानकारी दिनुभएको हो । सङ्क्रमित मध्ये चार जना उपचारपछि निको भएर घर फर्किइसकेका छन् भने २८ जनाको विभिन्न अस्पतालमा उपचार भइरहेको छ ।
उदयपुरकै अन्य व्यक्तिहरुको पनि राष्ट्रिय जनस्वास्थ्य प्रयोगशाला, कोशी प्रादेशिक अस्पतालको प्रयोगशाला र धरानस्थित वीपी कोइराला स्वास्थ्य विज्ञान प्रतिष्ठानमा परीक्षण भइरहेको प्रवक्ता देवकोटाले बताउनुभएको छ । उहाँका अनुसार उदयपुरमा थप एक सय जनाको पीसीआर विधिबाट परीक्षण गर्ने गरी नमूना सङ्कलन गरिएको छ । ती नमूनाहरु हाल परीक्षणका क्रममा रहेका छन् ।
डा. देवकोटाका अनुसार आरडीटी विधिबाट हुने परीक्षण देशभरका सबै जिल्लामा शुरु भएको छ । आरडीटी विधिबाट गरिने परीक्षणका क्रममा व्यक्तिमा कोरोना सङ्क्रमण भएको सङ्केत दिने एन्टिबडी पोजेटिभ देखिएमा पीसीआर विधिबाट पुनः परीक्षण गरिने पनि उहाँले बताउनुभएको छ ।
डा. देवकोटाका अनुसार पछिल्लो २४ घण्टामा ३ सय ३३ वटा थ्रोड स्वाबको नमूना पीसीआर विधिबाट परीक्षण गरिएको छ । उहाँका अनुसार पीसीआर विधिबाट हालसम्म आठ हजार सात सय ६३ जनाको नमूना परीक्षण गरिएको छ । र्यापिट डाइग्रोस्टिक टेस्ट (आरडीटी) विधिबाट हालसम्म २७ हजार नौ सय ५६ वटा नमूना परीक्षण गरिएको तथा गत २४ घण्टामा मात्र दुई हजार आठ सय आठ जनाको नमूना आरडीटीबाट परीक्षण गरिएको पनि स्वास्थ्य मन्त्रालयका प्रवक्ता डा. देवकोटाले जानकारी दिनुभएको छ ।
काठमाडौँ । उदयपुरमा आज थप एक जना पुरुषमा कोरोना भाइरस (कोभिड–१९)को सङ्क्रमण देखिएको छ । योसँगै नेपालमा कोरोना सङ्क्रमितको सङ्ख्या ३२ पुगेको छ ।
राष्ट्रिय जनस्वास्थ्य प्रयोगशाला, टेकुमामा गरिएको परीक्षणमा उदयपुरका ३३ वर्षीय पुरुषमा कोरोना पोजेटिभ देखिएको स्वास्थ्य तथा जनसंख्या मन्त्रालयका प्रवक्ता विकास देवकोटाले जानकारी दिनुभएको हो । सङ्क्रमित मध्ये चार जना उपचारपछि निको भएर घर फर्किइसकेका छन् भने २८ जनाको विभिन्न अस्पतालमा उपचार भइरहेको छ ।
उदयपुरकै अन्य व्यक्तिहरुको पनि राष्ट्रिय जनस्वास्थ्य प्रयोगशाला, कोशी प्रादेशिक अस्पतालको प्रयोगशाला र धरानस्थित वीपी कोइराला स्वास्थ्य विज्ञान प्रतिष्ठानमा परीक्षण भइरहेको प्रवक्ता देवकोटाले बताउनुभएको छ । उहाँका अनुसार उदयपुरमा थप एक सय जनाको पीसीआर विधिबाट परीक्षण गर्ने गरी नमूना सङ्कलन गरिएको छ । ती नमूनाहरु हाल परीक्षणका क्रममा रहेका छन् ।
डा. देवकोटाका अनुसार आरडीटी विधिबाट हुने परीक्षण देशभरका सबै जिल्लामा शुरु भएको छ । आरडीटी विधिबाट गरिने परीक्षणका क्रममा व्यक्तिमा कोरोना सङ्क्रमण भएको सङ्केत दिने एन्टिबडी पोजेटिभ देखिएमा पीसीआर विधिबाट पुनः परीक्षण गरिने पनि उहाँले बताउनुभएको छ ।
डा. देवकोटाका अनुसार पछिल्लो २४ घण्टामा ३ सय ३३ वटा थ्रोड स्वाबको नमूना पीसीआर विधिबाट परीक्षण गरिएको छ । उहाँका अनुसार पीसीआर विधिबाट हालसम्म आठ हजार सात सय ६३ जनाको नमूना परीक्षण गरिएको छ । र्यापिट डाइग्रोस्टिक टेस्ट (आरडीटी) विधिबाट हालसम्म २७ हजार नौ सय ५६ वटा नमूना परीक्षण गरिएको तथा गत २४ घण्टामा मात्र दुई हजार आठ सय आठ जनाको नमूना आरडीटीबाट परीक्षण गरिएको पनि स्वास्थ्य मन्त्रालयका प्रवक्ता डा. देवकोटाले जानकारी दिनुभएको छ ।