कोरोनाको आशङ्का गरिएका एक जनाको नतिजा नेगेटिभ

चितवन । चितवनमा र्‍यापिड  डाइग्नोस्टिक टेस्ट (आरडिटी) परीक्षणको क्रममा कोभिड–१९ रिएक्टिभ देखिएका एकजनाको स्वाब परीक्षणमा नतिजा नेगेटिभ आएको छ । यसको अर्थ उनमा कोरोनाभाइरसको सङ्क्रमण नरहेको पुष्टि भएको हो ।

रत्ननगरको गुञ्जमान अस्पतालको आईसोलेसनमा रहेका पुरुषको भरतपुर कोभिड– १९ परीक्षण प्रयोगशालामा स्वाबको परीक्षण गरिएकोमा नतिजा नेगेटिभ आएको भरतपुर अस्पतालका अध्यक्ष एवम् भरतपुर कोरोना बिशेष (अस्थाई) अस्पतालका सदस्य–सचिव डा. भोजराज अधिकारीले जानकारी दिनुभएको छ ।