भारतमा ३ मे सम्मका लागि थपियो ‘लकडाउन’

काठमाडौं । भारतमा कोरानाभाइरस सङ्क्रमितको सङ्ख्या बढ्दै गएपछि लकडाउनको अवधि ३ मे सम्मका लागि थपिएको छ । भारतीय प्रधानमन्त्री नरेन्द्र मोदीले देशबासीलाई सम्बोधनको क्रममा लकडाउनको म्याद १८ दिन थप गरिएको बताउनुभएको हो ।

कोरोनाभाइरस संक्रमणको अवस्था मूल्याङ्कन गरी २० अप्रिलदेखि केही खुकुलो गर्न सकिने पनि मोदीले सम्बोधनको क्रममा बताउनुभयो । भारतमा कोरोनाभाइर संक्रमणको बढ्दो जोखिमका बीच मार्च २५ देखि तीन साताको लागि लकडाउन घोषणा गरिएको थियो ।

भारतमा अहिलेसम्म कोरोनाभाइरस (कोभिड–१९) बाट १० हजार चार सय ५३ जना सङ्क्रमित भएका छन् भने यसबाट तीन सय ५८ जनाको मृत्यु भएको छ ।