एनसेलले बुझायो २३ अर्ब ४३ करोड

काठमाडौँ । निजी क्षेत्रको दूरसञ्चार सेवा प्रदायक कम्पनी एनसेलले तीन अर्ब ४३ करोड ५६ लाख ५२ हजार पाँच सय ४६ रुपैयाँ ठूला करदाता कार्यालयमा दाखिला गरेको छ । ठूला करदाता कार्यालयको गत मङ्सिर १९ गतेको निर्णयअनुसार एनसेलका नाममा निर्धारित भएको पूँजीगत लाभकरबापतको उक्त रकम ब्याजसहित सरकारी कोषमा दाखिला भएको हो ।

ठूला करदाता कार्यालयका अनुसार आयकर ऐन, २०५८ बमोजिम उक्त रकम प्राप्त भएको तथा उक्त कम्पनीसम्बन्धी सम्पूर्ण प्रकरण अन्त्य भएको छ । यसअघि दुई किस्तामा क्रमशः कम्पनीले चार अर्ब ५० करोड र चार अर्ब ६० करोड रुपैयाँ दाखिला गरेको थियो ।