चितवन । भरतपुरस्थित तारापुञ्ज बचत तथा ऋण सहकारी संस्था एवम् सामाजिक सञ्जाल फेसबुकमा कोरोना भाइरस विरुद्धको अभियानमा आवद्ध रहेका सदस्यहरुले सहाराको घरका बालबालिकाहरुलाई खाद्यान्न सहयोग गरेका छन् ।
लकडाउनका कारण चितवनको भरतपुर–११ स्थित सहाराको घरमा आश्रित रहेका बालबालिकाहरुलाई खाद्यान्न समस्या परेपछि सहयोग गरेको सहयोगीले बताएका छन् । सहकारीका सदस्यहरुबीच फेसबुकबाट रकम सहयोगको अपिल गर्दे जम्मा भएको करिब २८ हजार रुपैयाँको खाद्य सामाग्री खरीद गरी सहयोग गरेको तारापुञ्ज सहकारीका अध्यक्ष सुदीप रेग्मीले जानकारी दिनुभयो ।
सहाराको घरका सञ्चालक स्वस्तिका तिवारीले खाद्य अभाव भएकोले सहयोगका लागि अपिल गरेपछि फेसबुकको माध्यमबाट सहयोग रकम सङ्कलन गरि चामल, दाल, पिठो, तेल, तरकारी, बिस्कुट, ग्यास लगायतका सामान हस्तान्तरण गरिएको सहकारीका अध्यक्ष रेग्मीले बताउनुभयो ।
खाद्यान्न सहयोग हस्तान्तरण कार्यक्रममा तारापुञ्ज सहकारी संस्थाका अध्यक्ष सुदीप रेग्मी , सचिव रेगन पन्त, कार्यक्रम व्यवस्थापन प्रमुख लक्ष्मण गौतमलगायत सामाजिक अगुवाहरुको सहभागिता रहेको थियो । लगातारको लकडाउनका कारण सहाराको घरमा दैनिक उपभोग्य सामानको अभाब भएकाले अनाथ बालबालिकाहरुलाई विहानबेलुकाको जोहो गर्न अप्ठेरो परेको अवस्थामा खाद्यान्न सहयोगले राहात भएको सञ्चालक तिवारीले बताउनुभयो । सहाराको घरमा १८ जना अनाथ बालबालिका आश्रित छन् ।
चितवन । भरतपुरस्थित तारापुञ्ज बचत तथा ऋण सहकारी संस्था एवम् सामाजिक सञ्जाल फेसबुकमा कोरोना भाइरस विरुद्धको अभियानमा आवद्ध रहेका सदस्यहरुले सहाराको घरका बालबालिकाहरुलाई खाद्यान्न सहयोग गरेका छन् ।
लकडाउनका कारण चितवनको भरतपुर–११ स्थित सहाराको घरमा आश्रित रहेका बालबालिकाहरुलाई खाद्यान्न समस्या परेपछि सहयोग गरेको सहयोगीले बताएका छन् । सहकारीका सदस्यहरुबीच फेसबुकबाट रकम सहयोगको अपिल गर्दे जम्मा भएको करिब २८ हजार रुपैयाँको खाद्य सामाग्री खरीद गरी सहयोग गरेको तारापुञ्ज सहकारीका अध्यक्ष सुदीप रेग्मीले जानकारी दिनुभयो ।
सहाराको घरका सञ्चालक स्वस्तिका तिवारीले खाद्य अभाव भएकोले सहयोगका लागि अपिल गरेपछि फेसबुकको माध्यमबाट सहयोग रकम सङ्कलन गरि चामल, दाल, पिठो, तेल, तरकारी, बिस्कुट, ग्यास लगायतका सामान हस्तान्तरण गरिएको सहकारीका अध्यक्ष रेग्मीले बताउनुभयो ।
खाद्यान्न सहयोग हस्तान्तरण कार्यक्रममा तारापुञ्ज सहकारी संस्थाका अध्यक्ष सुदीप रेग्मी , सचिव रेगन पन्त, कार्यक्रम व्यवस्थापन प्रमुख लक्ष्मण गौतमलगायत सामाजिक अगुवाहरुको सहभागिता रहेको थियो । लगातारको लकडाउनका कारण सहाराको घरमा दैनिक उपभोग्य सामानको अभाब भएकाले अनाथ बालबालिकाहरुलाई विहानबेलुकाको जोहो गर्न अप्ठेरो परेको अवस्थामा खाद्यान्न सहयोगले राहात भएको सञ्चालक तिवारीले बताउनुभयो । सहाराको घरमा १८ जना अनाथ बालबालिका आश्रित छन् ।