प्रधानमन्त्री ओली अस्पतालबाट डिष्चार्ज, २० घण्टा अस्पतालमा
न्युजभित्तो/१४ चैत्र २०७६, शुक्रबार २०:०८
काठमाडौँ । प्रधानमन्त्री केपी शर्मा ओली आज साँझ अस्पतालबाट डिष्चार्ज हुनुभएको छ । अकस्मात मुटुको धड्कन बढ्ने समस्या देखिएपछि उहाँलाई बिहीबार राति मनमोहन कार्डियो थोरासिक, भास्कुलर तथा ट्रान्सप्लान्ट सेन्टर, महाराजगञ्जमा भर्ना गरिएको थियो ।
आकस्मिक उपचार गराई पूर्ण स्वास्थ्यलाभ भएसँगै प्रधानमन्त्री ओली अस्पतालबाट डिष्चार्ज हुनुभएको उहाँका प्रेस सल्लाहकार सूर्य थापाले जानकारी दिनुभएको छ । उहाँ डिस्चार्जपश्चात् आफ्नो सरकारी निवास बालुवाटार पुग्नुभएको छ ।
‘उहाँ बिहीबार राती ११ः३० बजेपछि मुटुको धड्कन बढ्ने समस्याका कारण अस्पतालमा भर्ना गरिनु भएको थियो । करिब २० घण्टा अस्पतालमा रहेर उहाँले मुटुको धड्कन बढ्नुको कारण खोजेर उपचार गराउनुभएको छ’ प्रधानमन्त्रीका प्रेस सल्लाहकार थापाले भन्नुभयो ।
प्रधानमन्त्री ओलीको २४ दिन अघि शिक्षण अस्पतालमा दोस्रोपटक मिर्गौला प्रत्यारोपण गरिएको थियो । प्रधानमन्त्रीको सचिवालयले उपचारमा संलग्न अस्पताल, चिकित्सक, नर्सलगायत सबैमा धन्यवाद ज्ञापन गरेको छ ।
काठमाडौँ । प्रधानमन्त्री केपी शर्मा ओली आज साँझ अस्पतालबाट डिष्चार्ज हुनुभएको छ । अकस्मात मुटुको धड्कन बढ्ने समस्या देखिएपछि उहाँलाई बिहीबार राति मनमोहन कार्डियो थोरासिक, भास्कुलर तथा ट्रान्सप्लान्ट सेन्टर, महाराजगञ्जमा भर्ना गरिएको थियो ।
आकस्मिक उपचार गराई पूर्ण स्वास्थ्यलाभ भएसँगै प्रधानमन्त्री ओली अस्पतालबाट डिष्चार्ज हुनुभएको उहाँका प्रेस सल्लाहकार सूर्य थापाले जानकारी दिनुभएको छ । उहाँ डिस्चार्जपश्चात् आफ्नो सरकारी निवास बालुवाटार पुग्नुभएको छ ।
‘उहाँ बिहीबार राती ११ः३० बजेपछि मुटुको धड्कन बढ्ने समस्याका कारण अस्पतालमा भर्ना गरिनु भएको थियो । करिब २० घण्टा अस्पतालमा रहेर उहाँले मुटुको धड्कन बढ्नुको कारण खोजेर उपचार गराउनुभएको छ’ प्रधानमन्त्रीका प्रेस सल्लाहकार थापाले भन्नुभयो ।
प्रधानमन्त्री ओलीको २४ दिन अघि शिक्षण अस्पतालमा दोस्रोपटक मिर्गौला प्रत्यारोपण गरिएको थियो । प्रधानमन्त्रीको सचिवालयले उपचारमा संलग्न अस्पताल, चिकित्सक, नर्सलगायत सबैमा धन्यवाद ज्ञापन गरेको छ ।