प्रधानमन्त्री ओली अस्पताल भर्ना, आजै डिष्चार्ज हुनुहुने

काठमाडौँ । प्रधानमन्त्री केपी शर्मा ओलीको मुटुको धड्कन बढ्ने समस्या देखिएकोले अस्पताल भर्ना गरिएको छ । प्रधानमन्त्रीलाई हिजो राति नै मनमोहन कार्डियो थोरासिक, भास्कुलर तथा ट्रान्सप्लान्ट सेन्टर, महाराजगञ्जमा भर्ना गरिएको उहाँका प्रेस सल्लाहकार सूर्य थापाले जानकारी दिनुभएको छ ।

थापाले प्रधानमन्त्रीका निजी चिकित्सक प्राडा दिव्यासिंह शाहलाई उदृत गर्दै ‘प्रधानमन्त्रीको स्वास्थ्य अवस्था सामान्य भइसकेको हुनाले आजै डिस्चार्ज गरिने’ बताउनुभएको छ ।

प्रधानमन्त्री ओलीको फागुन २१ गते त्रिवि शिक्षण अस्पतालमा दोस्रो पटक मिर्गौला प्रत्यारोपण गरिएको थियो। प्रत्यारोपण पछि फागुन ३० मा प्रधानमन्त्री ओली अस्पतालबाट डिस्चार्ज हुनुभएको थियो ।