नेपालमा तेस्रो व्यक्तिमा कोरोना भाइरस सङ्क्रमणको पुष्टि, सङ्क्रमित हुने ३० वर्षका पुरुष
न्युजभित्तो/१२ चैत्र २०७६, बुधबार १३:०६
काठमाडौँ । नेपालमा तेस्रो व्यक्तिमा कोरोनाभाइरस सङ्क्रमण भएको पुष्टि भएको छ । राष्ट्रिय जनस्वास्थ्य प्रयोगशालाले यसको पुष्टि गरेको छ । यसअघि दुई जनामा सङ्क्रमण भएको पुष्टि भएको थियो।
योसहित नेपालमा भेटिएका तीन जना कोरोना भाइरस सङ्क्रमित मध्ये एक जना उपचारपछि निको भइसकेका छन्। प्रयोगशालामा नमुना परीक्षण गर्दा कोरोनाभाइरस भएको पुष्टि भएपछि ती सङ्क्रमित व्यक्तिलाई उपचारका लागि अरूबाट अलग्ग राखिएको चिकित्सकले बताएका छन् ।
राष्ट्रिय जनस्वास्थ्य प्रयोगशालाका राजेशकुमार गुप्ताका अनुसार करिब ३० वर्षका ती बिरामी हालै खाडी मुलुकबाट नेपाल आएका थिए ।
फेब्रुअरी महिनामा चीनको वुहानबाट नेपाल फर्किएका एक विद्यार्थी निको भइसकेका छन् भने गत साता फ्रान्सबाट कतार हुँदै नेपाल फर्किएकी एक विद्यार्थीमा कोरोनाभाइरस सङ्क्रमण भएको पुष्टि भएको थियो। उनको उपचार भइरहेको छ।
दोस्रो व्यक्तिमा कोरोनाभाइरस भएको पुष्टि भएपछि सङ्क्रमण फैलिन नदिन सरकारले हिजोदेखि एक साताका लागि देशभर लकडाउन गरेको छ ।
काठमाडौँ । नेपालमा तेस्रो व्यक्तिमा कोरोनाभाइरस सङ्क्रमण भएको पुष्टि भएको छ । राष्ट्रिय जनस्वास्थ्य प्रयोगशालाले यसको पुष्टि गरेको छ । यसअघि दुई जनामा सङ्क्रमण भएको पुष्टि भएको थियो।
योसहित नेपालमा भेटिएका तीन जना कोरोना भाइरस सङ्क्रमित मध्ये एक जना उपचारपछि निको भइसकेका छन्। प्रयोगशालामा नमुना परीक्षण गर्दा कोरोनाभाइरस भएको पुष्टि भएपछि ती सङ्क्रमित व्यक्तिलाई उपचारका लागि अरूबाट अलग्ग राखिएको चिकित्सकले बताएका छन् ।
राष्ट्रिय जनस्वास्थ्य प्रयोगशालाका राजेशकुमार गुप्ताका अनुसार करिब ३० वर्षका ती बिरामी हालै खाडी मुलुकबाट नेपाल आएका थिए ।
फेब्रुअरी महिनामा चीनको वुहानबाट नेपाल फर्किएका एक विद्यार्थी निको भइसकेका छन् भने गत साता फ्रान्सबाट कतार हुँदै नेपाल फर्किएकी एक विद्यार्थीमा कोरोनाभाइरस सङ्क्रमण भएको पुष्टि भएको थियो। उनको उपचार भइरहेको छ।
दोस्रो व्यक्तिमा कोरोनाभाइरस भएको पुष्टि भएपछि सङ्क्रमण फैलिन नदिन सरकारले हिजोदेखि एक साताका लागि देशभर लकडाउन गरेको छ ।