मन्त्रीपरिषद् बैठक : भारत र चीनसँगको सीमा नाका एक हप्ता बन्द गर्ने निर्णय

काठमाडौं । सरकारले छिमेकी मुलुक भारत र चीनसँगको सीमा नाका एक हप्ताका लागि बन्द गर्ने निर्णय गरेको छ । मन्त्रिपरिषद्को आज बालुवाटारमा बसेको बैठकले विश्वव्यापी महामारीका रुपमा फैलिएको कोरोना भाइरसको सम्भावित जोखिम न्यूनीकरणका लागि सीमानाका बन्द गर्ने निर्णय गरेको बताइएको छ ।

भारत र चीनसँगको सीमा नाकामा सोमबार बिहान १० बजेदेखि एक हप्तासम्म आवागमन पूर्णरुपमा बन्द गर्ने निर्णय भएको स्रोतले जनाएको छ । बैठकले ५० करोड रुपैयाँको आकस्मिक कोष स्थापना गर्ने निर्णयसमेत गरेको छ । कोषमा सवै मन्त्रीहरुको एक महिनाको तबल राखिने भएको छ

प्रधानमन्त्री केपी शर्मा ओलीको गएको फागुन २१ गते त्रिवि शिक्षण अस्पतालमा दोस्रो पटक मिर्गौला प्रत्यारोपणपछि आज पहिलो पटक मन्त्रिपरिषद्को बैठक बसेको हो।

फागुन २१ गते प्रधानमन्त्री ओलीको त्रिवि शिक्षण अस्पतालमा दोस्रो पटक मिर्गौला प्रत्यारोपण भएपछि पहिलो पटक मन्त्रिपरिषद् बैठक बसेको हो।