गैँडाकोट ईङ्लिस स्कुलको रेकर्ड ब्रेकःनगरस्तरीय आधारभूत तहको बार्षिक परीक्षामा शतप्रतिशत नतिजा

गैडाकाेट, २९ चैत ।पूर्वी नवलपरासीको गैँडाकोटमा रहेको नगरको एकमात्र “क” वर्गको गैँडाकोट ईङ्लिस स्कुलले नगरस्तरीय आधारभूत तहको बार्षिक परिक्षामा सतप्रतिशत नतिजा हाँसिल गरेको छ । चैत्र ४ गतेदेखि १० गतेसम्म लिइएको आधारभूत तहको (बीएलई) परिक्षामा सहभागि ६१ जना विद्यार्थीहरु उर्तिण भएको स्कुलले जनाएको छ ।

गैँडाकोट ईङ्लिस स्कुलका प्राचार्य हिरालाल अर्यालले कक्षा ८ को बार्षिक परिक्षामा सहभागि भएका ६१ ज्ना विद्यार्थीहरु सबै उर्तिण भएको उज्यालो खबरलाई जानकारी दिनुभयो ।उतिर्ण भएका विद्यार्थीहरु मध्ये २३ जनाले ३.६ देखि ४ जीपीए, २९ जना विद्यार्थीले ३.२ देखि ३.६ र ९ जना विद्यार्थीहरुले २.८ देखि ३.२ जीपीए प्राप्त गरेका छन् । गैँडाकोट नगरपालिका भित्रका सामुदायिक र संस्थागत विद्यालय गरि ३६ वटा विद्यालयहरु सहभागि भएकोमा ३५ विद्यालयहरुलाई उछिन्दै गैँडाकोट ईङ्लिस स्कुलले रेर्कड ब्रेक गर्न सफल भएको हो ।

गैँडाकोट क्षेत्रका संस्थागत विद्यालयहरु मध्ये युनिक इङ्लिस बोडिङ स्कुलका ८ जना अम्मर ईङ्लिस सेकेन्डरी बोडिङ स्कुलका २ जना विजय सामुदायिक शिक्षा सदनका १३ जना, गैँडाकोट नमुना माविका ८ जना, सरस्वती निकेतनका ९ जना, साइनिङ बोडिङ इङ्लिस स्कुलका ९ जना, बालबिकास इङ्लिस बोडिङ स्कुलका १३ जना, कन्टीनेन्टल इङ्लिस बोडिङ सेकेन्डरी स्कुलका ३ जना ,अक्सफोर्ड सेकेन्डरी स्कुलका २ जना, ज्ञानकुन्ज इङ्लिस बोडिङ सेकेन्डरी स्कुलका ५ जना, स्मर्लहर्ट एकेडेमीका १ जना, सूर्योदय विद्या मन्दिरका ३ जना,मुकुन्दसेन बोडिङ स्कुलका ५ जना र किड्स होम एकेडेमीका ३ जना विद्यार्थीहरु अनुतिर्ण भएका छन् ।

आधारभूत तह (कक्षा ८) को बार्षिक परिक्षामा १५३६ जना विद्यार्थीहरु सहभागि भएकोमा ४५९ जना विद्यार्थीहरु अनुतिर्ण भएका छन् । २ विषय सम्म लागेका विद्यार्थीहरु बैशाख १३ र १४ गते सञ्चालन हुने ग्रेडबृद्धि परिक्षामा सहभागि हुन पाउने गैँडाकोट नगरपालिका शिक्षा युवा तथा खेलकुद शाखाका प्रमुख डा.बालकृष्ण चापागाइले बताउनुभयो ।