स्रोत नखुलेको २७ लाख ७५ हजारसहित दुईजना पक्राउ

जनकपुरधाम, १९ चैत । सर्लाहीबाट स्रोत नखुले रकमसहित दुईजना पक्राउ परेका छन् । सर्लाहीको मलंगवा नगरपालिका ३ का २४ वर्षीय कमर राजा र ४० वर्षीय आरिफ अन्सारीलाई प्रहरीले स्रोत नखुले रकमसहित प्रकाउ गरेको हो ।

हिजो (आइतबार) मलंगवा नगरपालिका ९ बाट प्रहरीले दुवैजनाको साथबाट स्रोत नखुलेको २७ लाख ७५ हजार ९७० रुपैयाँ बरामद गरेको थियो । पक्राउ परेका दुवैजना हुण्डी कारोबारी रहेको सर्लाही प्रहरीले जनाएको छ ।